കണ്ണൂര്: യൂട്യൂബ് നോക്കി ഭക്ഷണക്രമീകരണം നടത്തിയ വിദ്യാർത്ഥിനി മരിച്ചു. മെരുവമ്പായി ഹെല്ത്ത് സെന്ററിന് സമീപം കൈതേരികണ്ടി വീട്ടില് എം ശ്രീനന്ദ (18) ആണ് മരിച്ചത്. ഡയറ്റ് എടുത്തതിനെ പിന്നാലെയുണ്ടായ ആരോഗ്യപ്രശ്നങ്ങളെത്തുടര്ന്ന് ചികിത്സയിലായിരുന്നു.
തലശ്ശേരി സഹകരണ ആശുപത്രിയില് അത്യാഹിത വിഭാഗത്തില് ചികിത്സയിലായിരുന്നു ശ്രീനന്ദ. തുടർന്ന് കോഴിക്കോട് മെഡിക്കല് കോളേജിലും ചികിത്സ തേടിയിരുന്നു. വണ്ണം കൂടുതലാണെന്ന ധാരണ മൂലം കുറച്ചുനാളായി ഭക്ഷണത്തിന്റെ അളവ് കുറച്ചതാണ് പ്രശ്നമായതെന്നാണ് വിവരം.
കണ്ണൂർ മട്ടന്നൂര് പഴശ്ശിരാജാ എന്എസ്സ്എസ്സ് കോളജ് ഒന്നാം വര്ഷ ബിരുദ വിദ്യാര്ത്ഥിനിയായിരുന്നു ശ്രീനന്ദ.
