ഉത്തർപ്രദേശിലെ കാൺപൂർ ഐഐടിയിൽ വിദ്യാർത്ഥി ആത്മഹത്യ ചെയ്തു. എർത്ത് സയൻസിൽ പിഎച്ച്ഡി ചെയ്യുന്ന 28 കാരി പ്രഗതി ഖര്യയാണ് ഹോസ്റ്റൽ മുറിയിൽ തൂങ്ങി മരിച്ചത്. കഴിഞ്ഞ ഒരു വർഷത്തിനിടെ ക്യാമ്പസിലെ നാലാമത്തെ ആത്മഹത്യയാണിത്.Student commits suicide at IIT Kanpur in Uttar Pradesh
ഹോസ്റ്റലിലെ ഡി-116 റൂമിൽ തൂങ്ങിമരിച്ച നിലയിൽ സുഹൃത്തുക്കളാണ് പ്രഗതിയെ കണ്ടത്. ഉടൻ തന്നെ പോലീസിൽ വിവരം അറിയിക്കുകയായിരുന്നു. ഹോസ്റ്റലിൽ എത്തിയപ്പോൾ മുറി പൂട്ടിയിട്ടിരുന്നതായും മുറിയുടെ വാതിൽ തകർത്താണ് മൃതദേഹം പുറത്തെടുത്തതെന്നും ഒരു ഉന്നത പോലീസ് ഉദ്യോഗസ്ഥൻ പറഞ്ഞു. സംഭവസ്ഥലത്ത് നിന്നും പോലീസ് ആത്മഹത്യ കുറിപ്പ് കണ്ടെടുത്തിട്ടുണ്ട്. മരണത്തിന് ഉത്തരവാദി താൻ മാത്രമാണെന്നാണ് കുറിപ്പിൽ എഴുതിയിട്ടുള്ളത്.
കാൺപൂരിലെ സാനിഗവാൻ സ്വദേശിനിയാണ് മരിച്ച പ്രഗതി. ഹൻസ്‌രാജ് കോളേജിൽ നിന്ന് ബിഎസ്‌സിയും ഝാൻസിയിലെ ബുന്ദേൽഖണ്ഡ് യൂണിവേഴ്‌സിറ്റിയിൽ നിന്ന് എംഎസ്‌സിയും പൂർത്തിയാക്കിയതിനുശേഷം 2021 ഡിസംബറിലാണ് പ്രഗതി ഐഐടിയിൽ പിഎച്ച്ഡിക്ക് ചേർന്നത്.
