മസ്കത്ത്: വടക്കൻ ശർഖിയയിൽ വീട്ടിൽ നിന്നും ആഭരണങ്ങളും വിദേശ കറൻസിയും മോഷ്ടിച്ചെന്നാരോപിച്ച് വീട്ടുജോലിക്കാരിയെ അറസ്റ്റ് ചെയ്തതായി റോയൽ ഒമാൻ പൊലീസ് അറിയിച്ചു. ഇബ്ര വിലായത്തിലാണ് സംഭവം. ആഫ്രിക്കൻ വംശജയായ ജോലിക്കാരിയെ ആണ് പൊലീസ് പിടികൂടിയത്.
സംഭവത്തിൽ കൂടുതൽ അന്വേഷണം നടന്നുവരികയാണെന്നും, ഇത്തരം സംഭവങ്ങൾ തടയുന്നതിനായി ജാഗ്രത പാലിക്കണമെന്നും വിലപിടിപ്പുള്ള വസ്തുക്കൾ സൂക്ഷിക്കണമെന്നും അധികൃതർ മുന്നറിയിപ്പ് നൽകി.
