കോഴിക്കോട്: രോഗിയായ ഉമ്മയെ വെട്ടി കൊലപ്പെടുത്തിയ മകനെ പിടികൂടി പോലീസ്. കോഴിക്കോട് താമരശ്ശേരിയിലാണ് സംഭവം. മയക്കുമരുന്നിന് അടിമയായ ആഷിക്കിനെ താമരശ്ശേരി പോലീസ് ആണ് പിടികൂടിയത്.(son killed mother at kozhikode)
അടിവാരം സ്വദേശി സുബൈദ (53) ആണ് കൊല്ലപ്പെട്ടത്. ഇന്ന് ഉച്ചയ്ക്ക് 2.30 ന് ശേഷമായിരുന്നു ദാരുണ സംഭവം നടന്നത്. ബ്രെയിന് ട്യൂമര് ബാധിച്ച് ശരീരം തളര്ന്ന സുബൈദ താമരശ്ശേരി പുതുപ്പാടി ചോയിയോടുള്ള സഹോദരി ഷക്കീലയുടെ വീട്ടിലായിരുന്നു കഴിഞ്ഞിരുന്നത്. മയക്കുമരുന്നിന് അടിമയായിരുന്ന ആഷിഖ് ബംഗളുരുവിലെ ഡീഅഡിക്ഷന് സെന്ററില് ചികിത്സയിൽ കഴിയുകയായിരുന്നു.
ഇന്ന് ഉമ്മയെ കാണാനായി ആഷിക്ക് വന്ന സമയത്ത് ഷക്കീലയുടെ വീട്ടില് മറ്റാരും ഇല്ലായിരുന്നു. ഈ സമയം ഉമ്മയെ കൊലപ്പെടുത്തിയ ശേഷം ഇവിടെ നിന്നും കടന്നു കളഞ്ഞ ആഷിക്കിനെ നാട്ടുകാരാണ് പിടികൂടി പൊലീസിന് കൈമാറിയത്. കഴുത്ത് ഏറെക്കുറെ അറ്റനിലയില് അയല്ക്കാരാണ് സുബൈദയെ താമരശ്ശേരി ആശുപത്രിയില് എത്തിച്ചത്. മൃതദേഹം കോഴിക്കോട് മെഡിക്കല് കോളജ് ആശുപത്രിയിലേക്ക് മാറ്റി.
