ബ്രസീൽ: സ്പീഡ് ഫ്‌ളൈ ചെയ്യാന്‍ ശ്രമിക്കുന്നതിനിടെ കൊക്കയിലേക്ക് വീണ് സ്‌കൈ ഡൈവിങ് പരിശീലകൻ മരിച്ചു. ബ്രസീലിലെ സാവോ കോണ്‍റാഡോയിലാണ് ദാരുണ സംഭവം നടന്നത്. എയര്‍ സ്‌പോര്‍ട്ടായ ജോസ് ഡി. അലന്‍കാര്‍ ലിമ ജൂനിയറാണ് മരിച്ചത്.(Sky diving Instructor Dies in Speed Flying Accident)

820 അടി താഴ്ചയിലേക്ക് വീണാണ് അപകടമുണ്ടായത്. പാരച്യൂട്ട് വിന്യസിക്കുന്നതിന് മുമ്പ് പാറയിലുണ്ടായിരുന്ന ഒരു കുഴിയില്‍ കാലിടിച്ച് ബാലന്‍സ് നഷ്ടപ്പെട്ടതോടെയാണ് ഇയാൾ വീണതെന്ന് ദൃക്‌സാക്ഷികള്‍ പറഞ്ഞു. അതേസമയം അനുയോജ്യമായ സ്ഥലത്തു വെച്ചായിരുന്നില്ല ലിമ സ്പീഡ് ഫ്‌ളൈ ചെയ്യാന്‍ ശ്രമിച്ചതെന്ന് ഫ്‌ളൈ സ്‌പോര്‍ട്ടുകള്‍ നിയന്ത്രിക്കുന്ന ക്ലബ് അധികൃതര്‍ പ്രതികരിച്ചു.

ജര്‍മനിയില്‍ സ്‌കൈ ഡൈവിങ് ഇന്‍സ്ട്രക്ടറുമായിരുന്നു ലിമ. ബ്രസീലിയന്‍ ആര്‍മിയുടെ പാരച്യൂട്ട് ഇന്‍ഫന്‍ട്രി ബ്രിഗേഡില്‍ പാരാട്രൂപ്പറായി സേവനമനുഷ്ഠിച്ചിട്ടുണ്ട്.