തിരുവനന്തപുരം: കല്ലറയിൽ കടയിൽ കയറി യുവതിയെ കടന്നു പിടിക്കാൻ ശ്രമിച്ചയാളെ പൊലീസ് അറസ്റ്റ് ചെയ്തു. പാങ്ങോട് പൊലീസാണ് പ്രതിയെ പിടികൂടിയത്. കല്ലറ ഉണ്ണിമുക്ക് ഭൂതക്കുഴിയിൽ ബാബു(50)വിനെയാണ് ഇന്നലെ അറസ്റ്റ് ചെയ്തത്. വ്യാഴാഴ്ച രാത്രിയാണ് സംഭവം നടന്നത്.
യുവതി ജോലി ചെയ്യുന്ന പച്ചക്കറി കടയിൽ കയറിയാണ് ഇയാൾ അതിക്രമം നടത്താൻ ശ്രമിച്ചത്. വിവരം ചൂണ്ടിക്കാട്ടി യുവതി പൊലീസിൽ നൽകിയ പരാതിയെ തുടർന്നാണ് പാങ്ങോട് പൊലീസ് ഇയാളെ പിടികൂടിയത്.
ലൈംഗിക ചേഷ്ടകൾ കാണിക്കുകയും യുവതിയെ കടന്ന് പിടിക്കുകയും ചെയ്തതിനാണ് പരാതി. മുൻപും ഇയാൾക്ക് എതിരെ സമാനമായ കേസുകൾ ഉണ്ടായിട്ടുണ്ട്. സംഭവത്തിന് ശേഷം മുങ്ങിയ ഇയാളെ പൊലീസ് നിരീക്ഷണത്തിനൊടുവിലാണ് പിടികൂടിയത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
