വിവാഹ വിരുന്നിൽ രസഗുള വില്ലനായി; 41കാരന് ദാരുണാന്ത്യം
ജംഷഡ്പുര്: വിവാഹ സല്ക്കാരത്തിനിടെ രസഗുള തൊണ്ടയില് കുടുങ്ങി 41കാരന് മരിച്ചു. ജാര്ഖണ്ഡിലെ മാലിയന്ത ഗ്രാമ സ്വദേശിയായ ലളിത് സിംഗ് ആണ് ദാരുണമായി മരിച്ചത്.
വിവാഹ ചടങ്ങില് പങ്കെടുത്തിരുന്ന ലളിത് സിംഗിന് ഭക്ഷണം കഴിക്കുന്നതിനിടെ രസഗുള തൊണ്ടയില് കുടുങ്ങുകയായിരുന്നു.
സമീപത്തുണ്ടായിരുന്നവർ അത് പുറത്തെടുക്കാൻ ശ്രമിച്ചെങ്കിലും സാധിച്ചില്ല. ശ്വാസതടസം ഉണ്ടായതോടെ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ആശുപത്രിയിലെത്തുന്നതിന് മുമ്പേ മരണം സംഭവിച്ചതായി ഡോക്ടർമാർ അറിയിച്ചു.
ഡോക്ടർമാരുടെ വിശദീകരണപ്രകാരം രസഗുള തൊണ്ടയിൽ കുടുങ്ങിയതോടെ ശ്വാസനാളം പൂർണമായും തടസ്സപ്പെട്ടു. ശരീരത്തിലേക്കുള്ള ഓക്സിജൻ വിതരണം നിർത്തപ്പെട്ടതോടെ ലളിത് സിംഗ് കുഴഞ്ഞുവീണ് ഏതാനും മിനിറ്റുകൾക്കുള്ളിൽ മരണപ്പെട്ടു.
വിദഗ്ധർ പറയുന്നതനുസരിച്ച് ഭക്ഷണം തൊണ്ടയിൽ കുടുങ്ങി ശ്വാസം കിട്ടാതായാൽ നാലു മുതൽ എട്ട് മിനിറ്റിനുള്ളിൽ തന്നെ ഗുരുതരാവസ്ഥയിലേക്കു നീങ്ങാം. ഈ സമയത്തിനകം അടിയന്തര ശുശ്രൂഷ നൽകേണ്ടത് അനിവാര്യമാണ്.
ശ്വാസതടസ്സം സംഭവിക്കുമ്പോൾ ഉപയോഗിക്കുന്ന പ്രധാന പ്രാഥമിക ശുശ്രൂഷാ രീതിയാണ് ഹെംലിക് മെനൂവർ. ശ്വാസനാളത്തിൽ കുടുങ്ങിയ വസ്തു പുറത്താക്കാൻ ഇത് സഹായിക്കുന്നു.
വയോധികരിലും കുട്ടികളിലും ശ്വാസതടസ്സം ഉണ്ടായാൽ ഉടൻ ശരിയായ രീതിയിൽ ഹെംലിക് മെനൂവർ നടത്തുകയും, അവസ്ഥ ഗുരുതരമാണെങ്കിൽ സിപിആർ ഉൾപ്പെടെയുള്ള അടിയന്തര ചികിത്സ നൽകുകയും വേണമെന്ന് വിദഗ്ധർ നിർദേശിക്കുന്നു.
English Summary
A 41-year-old man died after a rasgulla got stuck in his throat during a wedding function in Jamshedpur, Jharkhand. The victim, Lalit Singh, suffered severe choking while eating and collapsed due to lack of oxygen.
Despite attempts by others to remove the obstruction, he could not be saved and was declared dead before reaching the hospital. Doctors said the airway was completely blocked, cutting off oxygen supply.
Experts warn that choking can become fatal within 4 to 8 minutes if not treated immediately. The Heimlich maneuver is a key first-aid technique used to clear airway blockages and save lives in such emergencies.
