തിരുവനന്തപുരം: ലൈംഗിക പീഡനപരാതി നൽകിയ യുവതിയുടെ വ്യക്തിഗത വിവരങ്ങൾ പരസ്യമായി വെളിപ്പെടുത്തിയെന്ന ഗുരുതരമായ ആക്ഷേപത്തെ തുടർന്ന് സാമൂഹിക പ്രവർത്തകനായ രാഹുൽ ഈശ്വറെ പൊലീസ് കസ്റ്റഡിയിൽ എടുത്തു.
രാഹുൽ മാങ്കൂട്ടത്തില്ക്കെതിരായ ലൈംഗിക പീഡനപരാതിക്ക് പിന്നാലെ യുവതിയെ ലക്ഷ്യം വച്ച് സോഷ്യൽ മീഡിയയിൽ വ്യാപക സൈബർ ആക്രമണം നടന്നിരുന്നു.
ഈ സാഹചര്യത്തിലാണ് രാഹുൽ ഈശ്വറിന്റെ പ്രസ്താവനകൾ അന്വേഷണം വേഗത്തിലാക്കിയത്.
സൈബര് ആക്രമണത്തില് തിരുവനന്തപുരം സൈബര് പൊലീസാണ് കേസ് രജിസ്റ്റര് ചെയ്തത്.
സ്ത്രീത്വത്തെ അപമാനിക്കുക, ഇരയെ മോശക്കാരിയാക്കുക തുടങ്ങിയ സൈബര് വകുപ്പുകള് പ്രകാരമാണ് രാഹുല് ഈശ്വറിനെതിരെ കേസെടുത്തിട്ടുള്ളത്.
വീട്ടിലെത്തിയ പൊലീസ് സംഘം രാഹുല് ഈശ്വറെ കസ്റ്റഡിയിൽ എടുത്തുവെന്നാണ് ലഭ്യമായ വിവരം. തുടർന്ന് തിരുവനന്തപുരം ഏ ആർ ക്യാമ്പിലേയ്ക്ക് മാറ്റി വിശദമായ ചോദ്യം ചെയ്യലിന് വിധേയനാക്കി.
ഇരയുടെ വിവരങ്ങൾ വെളിപ്പെടുത്തിയെന്ന കേസിൽ അന്വേഷണം
മാധ്യമങ്ങളുടെയും ഓൺലൈൻ ചാനലുകളുടെയും മുന്നിൽ സംസാരിക്കുമ്പോൾ യുവതിയുടെ വ്യക്തിവിവരങ്ങൾ സൂചിപ്പിക്കുന്ന തരത്തിലുള്ള പ്രസ്താവനകളാണ് രാഹുൽ ഈശ്വർ നടത്തിയത് എന്നതാണ് പ്രധാന ആരോപണം.
ദ്വാരപാലക പാളികൾ കൊണ്ടുപോകാൻ അനുമതി തേടിയത് ദേവസ്വം ബോർഡെന്ന് തന്ത്രി കണ്ഠരര് മഹേഷ് മോഹനര്
ഇര നൽകിയ പരാതിക്ക് പിന്നാലെ സോഷ്യൽ മീഡിയയിൽ നടന്ന ആക്രമണങ്ങൾ നിയന്ത്രണാതീതമായതിനെ തുടർന്ന് സംസ്ഥാന പൊലീസ് മേധാവി എച്ച്. വെങ്കിടേഷ് എല്ലാ ജില്ലകളിലെ ഉദ്യോഗസ്ഥർക്കും കർശന നിർദേശങ്ങൾ നൽകിയിരുന്നു.
അനുമാനാസ്പദമായ പോസ്റ്റുകളും ട്രോളുകളും കണ്ടാൽ ഉടൻ കേസ് എടുക്കണമെന്നായിരുന്നു ഉത്തരവ്. ഇതനുസരിച്ച് സൈബർ പൊലീസ് സമൂഹമാധ്യമ ഹാൻഡിലുകളുടെ നിരീക്ഷണം ശക്തമാക്കിയിട്ടുണ്ട്.
എഡിജിപിയുടെ കർശന നിർദേശത്തിന് പിന്നാലെ നിരീക്ഷണം ശക്തം
ഇരയുടെ സ്വകാര്യത സംരക്ഷിക്കേണ്ടിയിരിക്കുന്ന സാഹചര്യത്തിൽ, അതു ലംഘിക്കുന്ന തരത്തിലുള്ള പ്രസ്താവനകൾ നിയമപരമായി കുറ്റകരമാണെന്ന് പൊലീസ് വ്യക്തമാക്കുന്നു.
ലൈംഗികാതിക്രമക്കേസുകളിൽ ഇരയുടെ സുരക്ഷയും മാന്യതയും ഉറപ്പാക്കുന്നതിൽ നിന്ന് വ്യതിചലിക്കുന്ന എന്തിനെയും പൊലീസ് കടുത്ത നിലപാട് സ്വീകരിക്കുമെന്ന് ഉറപ്പു നൽകുകയും ചെയ്തു.
സോഷ്യൽ മീഡിയയിലൂടെയുള്ള സൈബർ ബുളിയിംഗും ഇരയെ അപഹസിക്കുന്ന പോസ്റ്റുകളും കേരള പൊലീസ് കർശനമായ നിരീക്ഷണത്തിലാണ്.
ഇത്തരം പ്രവൃത്തികൾക്കെതിരെ നിയമനടപടികൾ തുടരുമെന്നും പൊലീസ് അറിയിച്ചു.
English Summary
Rahul Easwar has been taken into police custody in Thiruvananthapuram for allegedly revealing personal information about a woman who filed a sexual harassment complaint against Rahul Mankootathil. The cyber police registered a case under sections related to insulting womanhood, victim shaming, and exposing private details. The police tightened social media monitoring after widespread cyberattacks targeted the survivor. Rahul Easwar will undergo detailed questioning at the AR camp.
