കോട്ടയത്ത് നഴ്‌സിങ് കോളജിലെ റാഗിങ് കേസിൽ അഞ്ച് വിദ്യാർഥികൾ അറസ്റ്റിൽ. സീനിയർ വിദ്യാർഥികളായ സാമുവൽ, ജീവ , രാഹുൽ രാജ്, റിജിൽജിത്ത് , വിവേക് എന്നിവരെയാണ് അറസ്റ്റ് ചെയ്തത്. ഒന്നാം വർഷ വിദ്യാർത്ഥികളുടെ സ്വകാര്യ ഭാഗത്ത് പരുക്കേൽപ്പിച്ചും ശരീരഭാഗങ്ങളിൽ കോമ്പസ് കൊണ്ട് വരഞ്ഞ് ലോഷൻ ഒഴിച്ചും ഉപദ്രവിച്ചതായാണ് പരാതി.
റാഗിങ്ങിനും പരുക്കേൽപ്പിച്ചതിനും വിദ്യാർത്ഥികളെ ഭീഷണിപ്പെടുത്തി പണം വാങ്ങിയതിനുമാണ് കേസെടുത്തിരിക്കുന്നത്. വൈദ്യ പരിശോധന പൂർത്തിയാക്കുന്ന വിദ്യാർഥികളെ ഉച്ചയോടെ കോടതിയിൽ ഹാജരാക്കും.
