പുല്‍പ്പള്ളിയില്‍ ഡ്യൂട്ടിക്കിടെ ഡോക്ടറെ മർദ്ദിച്ച കേസ്: രണ്ട് സ്ഥിരം പ്രതികൾ അറസ്റ്റിൽ
പുല്പ്പള്ളി: പുല്പ്പള്ളി സാമൂഹികാരോഗ്യ കേന്ദ്രത്തിലെ അസി. സർജൻ ഡോ. ജിതിൻരാജിനെ ഡ്യൂട്ടിക്കിടെ മർദ്ദിച്ച സംഭവത്തിൽ രണ്ട് യുവാക്കളെ പോലീസ് അറസ്റ്റ് ചെയ്തു.
അമൽ ചാക്കോ (30), പി.ആർ. രാജീവ് (31) എന്നിവരെയാണ് വ്യാഴാഴ്ച രാവിലെ വാടാനക്കവലയില്‍ പിടികൂടിയത്.
സംഭവം നടന്നതിനു ശേഷം ഇരുവരും ഒളിവിലായിരുന്നു.
ഓടുന്ന കാറിന്റെ സൈഡ് മിററിൽ പാമ്പ്;ഡ്രൈവർ ജാഗ്രത പുലർത്തി അപകടം ഒഴിവാക്കി
സ്ഥിരം കുറ്റവാളികൾ; നിരവധി പഴയ കേസുകൾ
പോലീസിന്റെ വിവരമനുസരിച്ച്, പുല്പ്പള്ളി സ്റ്റേഷനിൽ അതിക്രമിച്ചു കയറി അക്രമം, പൊതുഗതാഗതം തടസപ്പെടുത്തൽ എന്നിവ ഉൾപ്പെടെ 5 കേസുകള്‍ അമൽ ചാക്കോയുടെ പേരിലുണ്ട്‌.
പുല്പ്പള്ളി, മീനങ്ങാടി സ്റ്റേഷനുകളിൽ എൻഡിപിഎസ്, അക്രമം എന്നീ 5 കേസുകള്‍ രാജീവിന്റെ പേരിലുമുണ്ട്.
സംഭവത്തിൽ ആരോഗ്യ പ്രവർത്തകര്‍ക്കെതിരെയുള്ള അതിക്രമം തടയൽ നിയമപ്രകാരവും, സംഘം ചേർന്ന് ആക്രമിച്ചതിന് ബിഎൻഎസ് നിയമപ്രകാരവും കേസ് രജിസ്റ്റർ ചെയ്തിട്ടുണ്ട്.
ഡോക്ടറോട് അസഭ്യം പറഞ്ഞതിൽ നിന്ന് ആരംഭിച്ച ആക്രമണം
സംഭവം ഇക്കഴിഞ്ഞ 10-ാം തീയതിയാണ് നടന്നത്. ഡ്യൂട്ടിക്കിടെ പ്രതികൾ സഹപ്രവർത്തകയായ ഡോക്ടറോട് അസഭ്യം പറയുന്നത് ഡോ. ജിതിൻരാജ് ചോദ്യം ചെയ്തതിനെതിരെയാണ് ആക്രമണം നടക്കുന്നത്.
ഡ്യൂട്ടി കഴിഞ്ഞ് ആശുപത്രിയുടെ പുറത്ത് വന്നപ്പോൾ പ്രതികൾ അസഭ്യം പറയുകയും കഴുത്തിൽ കുത്തിപിടിക്കുകയും നെഞ്ചിൽ കൈകൊണ്ട് ഇടിക്കുകയും കാൽ കൊണ്ട് ചവിട്ടുകയും കൈ വിരൽ പിടിച്ച് വളച്ച് പരിക്കേൽപ്പിക്കുകയും ചെയ്തു.
ഡോക്ടറുടെ ഇടതു കൈയിലെ ചെറുവിരൽ പൊട്ടിയതായി പോലീസ് സ്ഥിരീകരിച്ചു.
പോലീസ് അന്വേഷണം ശക്തമാക്കി
പുല്പ്പള്ളി ഇൻസ്പെക്ടർ, എസ്.എച്ച്.ഒ കെ.വി. മഹേഷ് കുമാർ നയിക്കുന്ന സംഘമാണ് അന്വേഷണം നടത്തുന്നത്.
English Summary:
Two habitual offenders, Amal Chacko and P.R. Rajeev, were arrested in Vadanakavala for assaulting Assistant Surgeon Dr. Jithinraj at the Pulppally Community Health Centre. They attacked him after he questioned their abusive behaviour toward a colleague, causing a fracture in his left little finger. Both have multiple prior cases, and fresh charges have been filed under the Health Workers Protection Act and relevant BNS sections. The investigation is led by SHO K.V. Mahesh Kumar.
