കുവൈത്ത് സിറ്റി: കുവൈത്തിൽ വാഹനമിടിച്ച് പ്രവാസി മലയാളി മരിച്ചു. കണ്ണൂർ തളിപ്പറമ്പ് സ്വദേശി മുനീർ(39) ആണ് മരിച്ചത്. സൽവയിൽ റോഡ് മുറിച്ചു കടക്കുന്നതിനിടെ മുനീറിനെ വാഹനമിടിക്കുകയായിരുന്നു.
കുവൈത്ത് കെഎംസിസി തളിപ്പറമ്പ് മണ്ഡലം അംഗമാണ് മുനീർ. പിതാവ് അബ്ദുൽ ഹകീം. മാതാവ് റൂഖിയ. ഭാര്യ റാഹില. രണ്ടു മക്കളുണ്ട്. മയ്യത്ത് നാട്ടിൽ എത്തിക്കുന്നത്തിനുള്ള തുടർ നടപടികൾ കുവൈത്ത് കെഎംസിസി ഹെല്പ് ഡസ്കിന്റെ നേതൃത്വത്തിൽ നടന്നു വരികയാണ്.
ഐപിഎസ് തലപ്പത്ത് വീണ്ടും അഴിച്ചുപണി
തിരുവനന്തപുരം: ഐപിഎസ് തലപ്പത്ത് വീണ്ടും അഴിച്ചുപണി. എം ആർ അജിത് കുമാറിനെ ബറ്റാലിയൻ എഡിജിപിയായി നിയമിച്ചു. നേരത്തെ എക്സൈസ് കമ്മീഷണറായി നിയമിച്ച ഉത്തരവ് റദ്ദാക്കി.
ജയിൽ മേധാവിയായി ബൽറാം കുമാർ ഉപാധ്യായ തന്നെ തുടരും. മഹിപാൽ യാദവിനെ എക്സൈസ് കമ്മീഷണറായി തിരികെ നിയമിച്ചു. എച്ച് വെങ്കിടേഷിന് ക്രൈം ബ്രാഞ്ച് ചുമതല വീണ്ടും നൽകി.
സൈബർ ഓപ്പറേഷൻ്റെ ചുമതല എസ് ശ്രീജിത്തിനാണ്. കൂടാതെ വിജിലൻസ് ഡയറക്ടർ ഒഴിച്ചുള്ള എല്ലാ സ്ഥലമാറ്റങ്ങളും നിർത്തിവെച്ചു. ഉദ്യോഗസ്ഥർ പരാതി അറിയിച്ചതോടെയെന്ന് അസാധാരണ നീക്കവുമായി സർക്കാർ രംഗത്തെത്തിയത്.
