കണ്ണൂർ: എഡിഎം നവീൻ ബാബുവിന്റെ മരണവുമായി ബന്ധപ്പെട്ട കേസിൽ കണ്ണൂർ ജില്ലാ പഞ്ചായത്ത് മുൻ പ്രസിഡന്റ് പി പി ദിവ്യ സമർപ്പിച്ച മുൻകൂർ ജാമ്യാപേക്ഷ പരിഗണിക്കുന്നത് മാറ്റി. ഈ മാസം 24ന് വ്യാഴാഴ്ചയായിരിക്കും ദിവ്യയുടെ ജാമ്യ ഹര്ജിയിൽ കോടതി വാദം കേള്ക്കുക. തലശ്ശേരി പ്രിന്സിപ്പല് സെഷന്സ് കോടതിയാണ് ദിവ്യയുടെ മുൻകൂർ ജാമ്യാപേക്ഷ പരിഗണിക്കുക.(pp divya anticipatory bail hearing adjourned to oct 24)
അഡ്വ. കെ വിശ്വൻ ആണ് പി.പി ദിവ്യക്ക് വേണ്ടി ഹാജരായത്. അഴിമതിക്കെതിരെ സദുദ്ദേശപരമായി മാത്രമാണ് താൻ സംസാരിച്ചതെന്നും എ ഡി എമ്മിനെ ആത്മഹത്യയിലേക്ക് തള്ളിവിടാനായിരുന്നില്ലെന്നുമാണ് മുൻകൂർ ജാമ്യ ഹർജിയിൽ ദിവ്യ ചൂണ്ടികാട്ടിയിരിക്കുന്നത്. മുൻകൂര് ജാമ്യാപേക്ഷയിൽ ഇന്ന് വാദം കേള്ക്കാനിരിക്കെയാണ് കോടതി മാറ്റിവെച്ചത്.
കേസ് വ്യാഴാഴ്ച പരിഗണിക്കുമ്പോള് പൊലീസ് റെക്കോര്ഡുകളും ഹാജരാക്കണമെന്ന് കോടതി നിർദേശം നൽകി. നവീൻ ബാബുവിന്റെ ഭാര്യ വക്കാലത്ത് ബോധിപ്പിച്ചു. ജോണ് റാൽഫ്, പിഎം സജിത എന്നിവര് ഹാജരായി.
