ആലപ്പുഴ പുന്നപ്ര തൂക്കുകുളത്ത് മോഷണ ശ്രമത്തിനിടെ, കുറുവ സംഘത്തിലെ മോഷ്ടാവെന്ന് സംശയിക്കുന്ന ആളുടെ മുഖത്തെ എല്ല് പൊട്ടിയതായി സംശയം. പ്രദേശവാസിയുമായി മൽപ്പിടുത്തമുണ്ടാകുകയും ഇയാളുടെ ഇടി മുഖത്തേൽക്കുകയും ചെയ്തിട്ടുണ്ട്. Police warned hospitals about kuruva sangha
തുന്നിക്കെട്ടൽ വേണ്ട മുറിവുണ്ടെന്നാണ് നിഗമനം. മുഖത്ത് പരിക്കേറ്റ് ചികത്സയ്ക്കായി വരുന്നവരുടെ വിവരം കൈമാറാൻ ആശുപത്രികൾക്ക് പോലീസ് നിർദ്ദേശം നൽകി.
സന്ദേശം:
‘ഇന്നലെ (14.11.2024) ആലപ്പുഴ ജില്ലയിലെ പുന്നപ്ര പോലീസ് സ്റ്റേഷൻ പരിധിയിൽ കുറുവ സംഘത്തിലെ മോഷ്ടാവ് എന്ന് സംശയിക്കുന്ന ഒരാൾ പ്രദേശവാസിയുമായി മൽപിടുത്തം ഉണ്ടാവുകയും, ആയതിൽ വെച്ച് മോഷ്ടാവ് എന്ന് സംശയിക്കുന്നയാളുടെ മുഖത്ത് തുന്നിക്കെട്ടൽ വേണ്ട വിധത്തിലുള്ള സാരമായ പരിക്ക് സംഭവിച്ചിട്ടുള്ളതായി അറിയുന്നു.
ടിയാൻ ചികിത്സയ്ക്കായി ഏതെങ്കിലും ആശുപത്രിയെ സമീപിക്കാൻ സാധ്യതയുള്ളതിനാൽ ഏതെങ്കിലും ആശുപത്രികൾ, ക്ലിനിക്ക് എന്നിവിടങ്ങളിൽ ഇത്തരത്തിൽ മുഖത്ത് പരിക്കുകളുമായി ആരെങ്കിലും ചികിത്സാ തേടിയിട്ടുള്ളതായി അറിവ് ലഭിക്കുകയാണെങ്കിൽ താഴെ കാണുന്ന ഫോൺ നമ്പരിൽ വിവരം അറിയിക്കുവാൻ താൽപര്യപ്പെടുന്നു.’
ആലപ്പുഴ ജില്ലാ പോലീസ് മേധാവി: 9497996982
DySP ജില്ലാ സ്പെഷ്യൽ ബ്രാഞ്ച്, ആലപ്പുഴ : 9497990037
ISRO, പുന്നപ്ര പോലീസ് സ്റ്റേഷൻ: 9497980289
ജില്ലയിൽ അടുത്തിടെ കുറുവാ സംഘത്തിന്റെതെന്ന് സംശയിക്കുന്ന പത്തോളം മോഷണങ്ങളാണ് ഉണ്ടായത്. കോമളപുരത്തും മണ്ണഞ്ചേരിയിലും ചേർത്തലയിലും കായംകുളത്തുമാണ് കുറുവാ സംഘത്തിന്റെ സാന്നിധ്യം തെളിയിക്കുന്ന സിസിടിവി ദൃശ്യങ്ങൾ പൊലീസിന് ലഭിച്ചത്.
സ്ത്രീകളുടെ മാത്രം മാല പൊട്ടിക്കൽ, അടുക്കള വാതിൽ പൊളിച്ച് അകത്തു കടക്കൽ, വസ്ത്രധാരണം, തുടങ്ങിയ മോഷണ രീതികളിൽ നിന്നാണ് കുറുവാ സംഘമെന്ന് പൊലീസ് സംശയിക്കുന്നത്.
