അജ്ഞാത വാഹനമിടിച്ച് യുവാവ് മരിച്ച സംഭവത്തിന് കാരണമായ ഡ്രൈവറേയും ഇയാൾ ഓടിച്ചിരുന്ന പിക്കപ്പ് വാനും പോലീസ് കസ്റ്റഡിയിലെടുത്തു. കമ്പം പൊൻരാജിൻ്റെ മകൻ സുരേഷ് (34) ആണ് പിടിയിലായത്. മുറിഞ്ഞപുഴ പുന്നയ്ക്കൽ നാരായണൻ്റെ മകൻ ആർ. വിഷ്ണു(20)വിൻ്റെ മരണത്തിന് ഇടയാക്കിയ അപകടം കഴിഞ്ഞ 19ന് രാത്രിയാണ് ഉണ്ടായത്. Police take into custody driver responsible for hit-and-run death of young man
വിഷ്ണു സഞ്ചരിച്ച ബൈക്കിൽ പിന്നാലെ എത്തിയ പിക്കപ് വാൻ ഇടിച്ചു തെറുപ്പിച്ച ശേഷം നിർത്താതെ കടന്നു പോകുകയായിരുന്നു. തമിഴ്‌നാട്ടിലെ കമ്പത്ത് നിന്നാണ് പീരുമേട് പോലീസ് വാഹനം പിടികൂടിയത്. അപകടശേഷം വാനിന് പെയിന്റിങ് അടക്കം പണികൾ നടത്തിയിരുന്നു.
