സംസ്ഥാനത്ത് വീണ്ടും വിദ്യാർത്ഥി ആത്മഹത്യ; പ്ലസ് ടു പരീക്ഷ എഴുതി വീട്ടിലെത്തിയ പെൺകുട്ടി മരിച്ച നിലയിൽ

കോഴിക്കോട്: പ്ലസ് ടു വിദ്യാർത്ഥിനിയെ വീട്ടിനുള്ളിൽ തൂങ്ങി മരിച്ച നിലയിൽ കണ്ടെത്തി. വടകര വില്യാപ്പള്ളിയിലാണ് സംഭവം. വടകര പുത്തൂർ ഹയർ സെക്കൻഡറി സ്കൂൾ വിദ്യാർത്ഥിനി അനന്യ (17) യാണ് മരിച്ചത്,

വൈകിട്ട് 6.30 ഓടെയാണ് സംഭവം. വീട്ടുകാർ പുറത്ത് പോയി തിരിച്ച് വന്ന സമയത്ത് വീട്ടിലെ കിടപ്പ് മുറിയിൽ തൂങ്ങി മരിച്ച നിലയിൽ അനന്യയെ കണ്ടെത്തുകയായിരുന്നു. പ്ലസ് ടുവിലെ ആദ്യ പരീക്ഷ എഴുതി വീട്ടിൽ തിരിച്ചെത്തിയതായിരുന്നു കുട്ടി. വില്യാപ്പള്ളി സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.

വടകര പൊലീസ് സ്ഥലത്ത് എത്തി. മൃതദേഹം മോർച്ചറിയിൽ സൂക്ഷിച്ചിരിക്കുകയാണ്. നിയമപരമായ നടപടിക്രമങ്ങൾക്ക് ശേഷം ബന്ധുക്കൾക്ക് വിട്ടുനൽകും.