തിരുവനന്തപുരം: ടിക്കറ്റ് ചോദിച്ചതിന് ടിടിഇയ്ക്ക് യാത്രക്കാരന്റെ മർദനമേറ്റു. കന്യാകുമാരി ഐലൻഡ് എക്സ്പ്രസിലാണ് സംഭവം. നെയ്യാറ്റിൻകരയ്ക്കും പാറശാലയ്ക്കും ഇടയിൽ വെച്ചാണ് ആക്രമണം ഉണ്ടായത്.
ജനറൽ ടിക്കറ്റുമായി സ്ലീപ്പർ ക്ലാസിൽ യാത്ര ചെയ്തത് ചോദ്യം ചെയ്തതാണ് പ്രകോപനത്തിന് കാരണമായത്. മർദനമേറ്റ ടിടിഇ ജയേഷിനെ ആശുപത്രിയിൽ പ്രവേശിപ്പിച്ചു. ആക്രമണം നടത്തിയ കന്യാകുമാരി സ്വദേശി രതീഷിനെ പോലീസ് കസ്റ്റഡിയിലെടുത്തു.
ചോക്ലേറ്റില്‍ എംഡിഎംഎ കലര്‍ത്തി 13കാരിയെ പീഡിപ്പിച്ചു; തിരുവനന്തപുരത്ത് 19കാരന്‍ പിടിയില്‍
തിരുവനന്തപുരം: പതിമൂന്നുകാരിയെ ലഹരി നല്‍കി പീഡിപ്പിച്ച 19കാരന്‍ പിടിയില്‍. തിരുവനന്തപുരത്താണ് സംഭവം. ചോക്ലേറ്റില്‍ എംഡിഎംഎ കലര്‍ത്തി നല്‍കിയായിരുന്നു പീഡനം നടന്നത്.
സംഭവത്തില്‍ 19കാരനായ മുഹമ്മദ് റെയ്‌സിനെ പൊലീസ് പിടികൂടി. ഇയാൾ നിരവധി കേസുകളില്‍ പ്രതിയാണ്. നാല് മാസത്തോളമായി പ്രതി പെൺകുട്ടിയെ പീഡിപ്പിച്ചുവരികയായിരുന്നു.
പെണ്‍കുട്ടി പരാതി നൽകിയതോടെ റെയ്‌സ് കൂട്ടുകാരന്റെ വീട്ടില്‍ ഒളിവിൽ കഴിയുകയായിരുന്നു. ഇവിടെ പോലീസ് എത്തിയതോടെ ഇയാൾ രണ്ടാം നിലയില്‍ നിന്ന് എടുത്തുചാടി. തുടർന്ന് പൊലീസ് പിന്തുടര്‍ന്ന് ആണ് പ്രതിയെ പിടികൂടിയത്.
