ഇടുക്കി കാഞ്ചിയാറിൽ പഞ്ചായത്ത് അംഗത്തിന്റെ പലചരക്ക് കട കത്തിനശിച്ച് ലക്ഷങ്ങളുടെ നഷ്ടം. കാഞ്ചിയാർ പതിനാലാം വാർഡ് അംഗം ജോമോൻ തെക്കേലിന്റെ ഉടമസ്ഥതയിൽ കൽത്തൊട്ടിയിൽ പ്രവർത്തിക്കുന്ന വ്യാപാര സ്ഥാപനത്തിലാണ് തീപിടുത്തമുണ്ടായത്. Panchayat member’s grocery shop catches fire in Idukki
രാവിലെ കടതുറന്നശേഷം പിന്നീട് കടയടച്ച് ജോമോൻ കാഞ്ചിയാറിലേക്ക് പോയി. അടഞ്ഞു കിടക്കുന്ന കടയ്ക്കുള്ളിൽ നിന്ന് പുക ഉയരുന്നതുകണ്ട് സമീപത്തെ വ്യാപാരികൾ കണ്ടത്. പരിശോധന നടത്തിയതോടെ വ്യാപാര സ്ഥാപനത്തിനുള്ളിൽ തീപടർന്നതായി സ്ഥിരീകരിച്ചു.
വൈദ്യുതബന്ധം വിച്ഛേദിച്ചശേഷം അഗ്നിശമനസേനയെ വിവമറിയിച്ചു. അവരെത്തി കട തുറന്ന് തീയണച്ചപ്പോഴേയ്ക്കും സാധനസാമഗ്രികളെല്ലാം അഗ്നിക്കിരയായി. സ്കൂൾ-കോളജ് ഐറ്റംസ്, പ്ലാസ്റ്റിക് വസ്തുക്കൾ, പലചരക്ക് ബേക്കറി സാധനങ്ങൾ എന്നിവയെല്ലാമാണ് നശിച്ചത്. പതിനായിരത്തോളം രൂപയും കത്തി നശിച്ചു. അഞ്ചു ലക്ഷം രൂപയുടെ നഷ്ടം കണക്കാക്കുന്നു.
