ശിപാർശക്ക് അംഗീകാരം; അസിം മുനീർ ഇനി പാകിസ്ഥാന്റെ ചീഫ് ഓഫ് ഡിഫൻസ് സ്റ്റാഫ്
ഇസ്ലാമാബാദ്: പാകിസ്ഥാൻ കരസേന മേധാവിയും ഫീൽഡ് മാർഷലുമായ അസിം മുനീറിനെ പുതിയ ചീഫ് ഓഫ് ഡിഫൻസ് സ്റ്റാഫ് (സിഡിഎഫ്) ആയി സർക്കാർ നിയമിച്ചു.
പ്രധാനമന്ത്രി ഷെഹ്ബാസ് ഷെരീഫ് ശുപാർശ ചെയ്ത നിയമനത്തിന് പ്രസിഡന്റ് ആസിഫ് അലി സർദാരി അംഗീകാരം നൽകി.
അഞ്ച് വർഷത്തെ സ്ഥിരകാലാവധിയോടെയാണ് മുനീർ ചുമതലയേൽക്കുന്നത്.
സിഡിഎഫ് പദവി ഏറ്റതോടെ കര, നാവിക, വ്യോമസേനകൾക്കുമേൽ ഏകോപനാധികാരമുള്ള രാജ്യത്തെ ഏറ്റവും ശക്തമായ സൈനിക സ്ഥാനത്തേക്ക് മുനീർ ഉയർന്നു.
അതേസമയം, എയർ ചീഫ് മാർഷൽ സഹീർ അഹമ്മദ് ബാബറിന്റെ സേവനകാലം രണ്ടുവർഷത്തേക്ക് കൂടി നീട്ടാനുള്ള സർക്കാരിന്റെ ശുപാർശക്കും രാഷ്ട്രപതി അനുമതി നൽകി.
മൂന്നു സായുധ സേനകളുടെയും പ്രവർത്തനങ്ങൾ ഏകോപിപ്പിക്കുന്നതിനായി പുതിയതായി രൂപീകരിച്ച സിഡിഎഫ് പദവിയിലെ ആദ്യ ചുമതലക്കാരനാണ് മുനീർ.
മുമ്പ് ഈ ചുമതല വഹിച്ചു വന്നിരുന്ന ജോയിന്റ് ചീഫ്സ് ഓഫ് സ്റ്റാഫ് കമ്മിറ്റി ചെയർമാൻ സ്ഥാനം കഴിഞ്ഞ മാസം റദ്ദാക്കിയിരുന്നു.
ഭരണഘടനയിലെ 27-ാം വകുപ്പ് ഭേദഗതി ചെയ്ത് നവംബറിൽ ചേർന്ന പാർലമെന്റാണ് പുതിയ സിഡിഎഫ് പദവിയെ ഔദ്യോഗികമാക്കിയത്.
മാസങ്ങൾക്ക് മുമ്പ് മുനീറിനെ ഫീൽഡ് മാർഷൽ পদവിയിലേക്ക് ഉയർത്തിയിരുന്നു. പാകിസ്ഥാനിൽ ഫീൽഡ് മാർഷൽ ബഹുമതി ലഭിക്കുന്നത് ചരിത്രത്തിൽ രണ്ടാമത്തെ തവണയാണ്. 1959-ൽ ജനറൽ അയൂബ് ഖാൻ ഈ ബഹുമതിക്ക് അർഹനായ ആദ്യ വ്യക്തിയായിരുന്നു.
English Summary
Pakistan has appointed Army Chief and Field Marshal Asim Munir as the new Chief of Defence Staff (CDS). The appointment, recommended by Prime Minister Shehbaz Sharif, was approved by President Asif Ali Zardari. Munir will serve a five-year term and now assumes the most powerful military role overseeing the Army, Navy, and Air Force.
The government has also extended Air Chief Marshal Zaheer Ahmad Babar’s tenure by two years. The CDS post was newly created after abolishing the Joint Chiefs of Staff Committee Chairman role, following a constitutional amendment. Munir was elevated to Field Marshal months earlier, becoming only the second person in Pakistan’s history to receive the title after General Ayub Khan in 1959.
pakistan-asim-munir-appointed-cds
Pakistan, Asim Munir, CDS, Shehbaz Sharif, Asif Zardari, Pakistan Army, Defence, Field Marshal
