ഓട്സിന്റെ ആരോഗ്യഗുണങ്ങൾ കുറച്ചൊന്നുമല്ല. ദിവസവും ഭക്ഷണത്തിൽ ഓട്സ് ഉൾപ്പെടുത്തുന്നത് കുട്ടികൾക്കും മുതിർന്നവർക്കും ഒരേപോലെ നല്ലതാണ്. ഓട്സ് ഉപയോഗിച്ച് പലവിധ വിഭവങ്ങൾ ഉണ്ടാക്കാറുണ്ട്. ഓട്സും ചെറുപഴവും ശർക്കരയും ചേർത്ത് രുചികരമായ തെരളിയപ്പം തയാറാക്കാം.
ചേരുവകൾ
*ഓട്സ് പൊടിച്ചത് – ഒരു കപ്പ്
*ഏലയ്ക്ക – 4
*തേങ്ങ ചിരകിയത് – ഒരു കപ്പ്
*ശർക്കര – ആവശ്യത്തിന്
*റോബസ്റ്റാ പഴം – ഒന്ന് വലുത്
*ഉപ്പ് – ഒരു നുള്ള്
*ജീരകപ്പൊടി – അര ടീസ്പൂൺ
തയാറാക്കുന്ന വിധം
*ശർക്കര അല്പം വെള്ളം ചേർത്ത് ഉരുക്കി അരിച്ച് വയ്ക്കുക.
*ഓട്സും ഏലക്കയും കൂടി പൊടിച്ചെടുക്കുക.
*പൊടിച്ച ഓട്സിലേക്കു തേങ്ങയും പഴവും ചേർക്കുക. പഴം കൈകൊണ്ട് നന്നായി ഉടയ്ക്കുക.
*ഇതിലേക്ക് ആവശ്യത്തിന് ശർക്കരപ്പാനി, ഉപ്പ്, ജീരകപ്പൊടി ഇവ ചേർത്തു ചപ്പാത്തി മാവിലും അൽപം കൂടി അയവിൽ കുഴച്ചെടുക്കുക.
*ഒരു വാഴയിലെയോ വഴനയിലയോ എടുത്ത് ഓരോ സ്പൂൺ മാവ് വീതം വച്ച് മടക്കി ആവിയിൽ 15 മിനിറ്റ് വേവിച്ചെടുക്കുക.
*രുചികരമായ ഓട്സ് അപ്പം തയാർ.
Read Also:കൂട്ടുകറി ഇല്ലാതെ പിന്നെ എന്ത് സദ്യ
