മദ്യപാനവും പുകവലിയും ഇല്ല, വെജിറ്റേറിയൻ മാത്രം; അങ്ങനെയൊരു പെൺകുട്ടി ഇന്ന് അപൂർവമോ? യുവാവിന്റെ പോസ്റ്റ് സോഷ്യൽ മീഡിയയിൽ ചർച്ച

മദ്യപാനവും പുകവലിയും ഇല്ല, വെജിറ്റേറിയൻ മാത്രം; അങ്ങനെയൊരു പെൺകുട്ടി ഇന്ന് അപൂർവമോ? യുവാവിന്റെ പോസ്റ്റ് സോഷ്യൽ മീഡിയയിൽ ചർച്ച

മദ്യപിക്കുകയോ പുകവലിക്കുകയോ ചെയ്യാത്തതും, നോൺ വെജ് കഴിക്കാത്തതുമായ പെൺകുട്ടികളെ കണ്ടെത്തുക ഇന്ന് ഏറെ പ്രയാസമാണെന്ന അഭിപ്രായം സോഷ്യൽ മീഡിയയിൽ ചർച്ചയാകുന്നു.

Superblog.ai സ്ഥാപകനായ സായ് കൃഷ്ണ എക്സിൽ (ട്വിറ്റർ) പങ്കുവച്ച പോസ്റ്റാണ് ഇപ്പോൾ വൈറലാകുന്നത്.

38 വയസ് പ്രായവ്യത്യാസം; അധ്യാപകനോടുള്ള ക്രഷ് പ്രണയമായി, വിമർശനങ്ങൾക്ക് മറുപടിയുമായി മിനിയ

മൂന്ന് നിബന്ധനകൾ, അമ്പരപ്പിക്കുന്ന മറുപടി

വിവാഹാലോചനയുടെ ഭാഗമായി ഒരു മാച്ച്‌മേക്കിംഗ് ആപ്പിന്റെ സ്ഥാപകയുമായി സംസാരിക്കുമ്പോൾ തനിക്കുള്ള മൂന്ന് പ്രധാന നിബന്ധനകളാണ് സായ് കൃഷ്ണ വ്യക്തമാക്കിയത്.

ഒന്നാമത് — മദ്യപിക്കാത്ത പെൺകുട്ടി,
രണ്ടാമത് — പുകവലിക്കാത്ത പെൺകുട്ടി,
മൂന്നാമത് — സസ്യാഹാരം മാത്രം കഴിക്കുന്ന പെൺകുട്ടി.

ഈ മൂന്ന് കാര്യങ്ങളിലും വിട്ടുവീഴ്ചയില്ലെന്നും സായ് പറഞ്ഞു.

എന്നാൽ, ഇതിന് മറുപടിയായി ഇത്തരത്തിലുള്ള പെൺകുട്ടിയെ കണ്ടെത്തുക ഇന്ന് ‘ഏറെക്കുറെ അസാധ്യമാണ്’ എന്നായിരുന്നു മാച്ച്‌മേക്കിംഗ് ആപ്പ് സ്ഥാപകയുടെ പ്രതികരണം.

ചിലപ്പോൾ മൂന്ന് നിബന്ധനകളിൽ രണ്ട് ഒത്തുവരാമെങ്കിലും, മൂന്നും ഒരുമിച്ച് ലഭിക്കുക ബുദ്ധിമുട്ടാണെന്നും അവർ പറഞ്ഞു.

‘ശരിക്കും അങ്ങനെ തന്നെയോ?’

മാച്ച്‌മേക്കിംഗ് ആപ്പ് സ്ഥാപകയുടെ ഈ മറുപടിയാണ് തന്നെ അമ്പരപ്പിച്ചതെന്ന് സായ് കൃഷ്ണ പോസ്റ്റിൽ പറയുന്നു.

ശരിക്കും ഇന്നത്തെ കാലത്ത് ഇത്തരത്തിലുള്ള പെൺകുട്ടികൾ ഇല്ലാതായോ എന്ന സംശയവും തുറന്നുവെച്ചു.

ഇതോടെയാണ് പോസ്റ്റ് വലിയ ചർച്ചയിലേക്ക് മാറിയത്.

കമന്റുകളിൽ വാദപ്രതിവാദങ്ങൾ

നിരവധിപ്പേരാണ് പോസ്റ്റിന് താഴെ കമന്റുകളുമായി എത്തിയത്.

ചിലർ സായ് കൃഷ്ണയുടെ നിബന്ധനകൾക്ക് യോജിക്കുന്ന പെൺകുട്ടികൾ ഉണ്ടെന്ന് പറഞ്ഞപ്പോൾ, മറ്റുചിലർ ‘അറേഞ്ച്ഡ് മാര്യേജാണ് മികച്ചത്’ എന്ന അഭിപ്രായം പങ്കുവച്ചു.

അതേസമയം, ഇത്തരത്തിലുള്ള ഇഷ്ടങ്ങൾ ഇന്നും സാധാരണമാണെന്നും സമൂഹത്തിൽ ഇത്തരം പെൺകുട്ടികൾ കുറവല്ലെന്നും പറയുന്നവരും കമന്റുകളിലുണ്ട്.

English Summary:

A post by Superblog.ai founder Sai Krishna has sparked debate on social media after he claimed it is extremely difficult today to find women who neither drink nor smoke and follow a vegetarian diet. His surprise came after a matchmaking app founder told him such preferences are nearly impossible to match. The post drew mixed reactions, with users debating personal choices, lifestyle expectations, and modern marriage norms.