സർവം ആലുവാക്കാരൻ…കളങ്കാവലും ഹൃദയപൂര്വ്വവും വീണു
ഒരുകാലത്ത് മലയാള സിനിമയിലെ ഏറ്റവും ബാങ്കബിള് താരമായിരുന്നു നിവിന് പോളി. തുടർച്ചയായ ഹിറ്റുകളിലൂടെ യുവതലമുറയുടെ ഹൃദയം കീഴടക്കിയ താരം പിന്നീട് കൊവിഡ് കാലവും പരീക്ഷണ സിനിമകളും മൂലം കരിയറിൽ ഇടവേള നേരിട്ടു.
വിജയങ്ങൾ അകന്നു നിന്നെങ്കിലും, മലയാളികളുടെ മനസ്സിൽ നിവിന് പോളിയ്ക്കുള്ള സ്ഥാനം ഒരിക്കലും നഷ്ടമായിരുന്നില്ല.
അത് വീണ്ടും തെളിയിക്കുകയാണ് പുതിയ ചിത്രം ‘സർവ്വം മായ’.
വലിയ ഹൈപ്പില്ലാതെ റിലീസ് ചെയ്ത ചിത്രം പ്രദർശനത്തിന്റെ നാലാം ദിവസമെത്തുമ്പോഴേക്കും മിക്ക തിയേറ്ററുകളിലും ഷോകളുടെ എണ്ണം വർധിപ്പിക്കേണ്ട സാഹചര്യം സൃഷ്ടിച്ചു.
നിരവധി കേന്ദ്രങ്ങളിൽ ഹൗസ്ഫുൾ ഷോകളോടെയാണ് ചിത്രം മുന്നേറുന്നത്.
600 ദിവസത്തെ ഇടവേളയ്ക്ക് ശേഷമാണ് നിവിന് പോളിയുടെ ഒരു ചിത്രം തിയേറ്ററിലെത്തുന്നത്. എന്നിട്ടും ലഭിക്കുന്ന ഈ ഗംഭീര സ്വീകരണം, നിവിൻ ഇന്നും മലയാളികളുടെ സ്വന്തം താരമാണെന്ന് വീണ്ടും ഉറപ്പിക്കുന്നു.
2025 അവസാനിക്കുന്നത് നിവിന് പോളിയുടെ ശക്തമായ തിരിച്ചുവരവോടെയാണെന്നും, 2026 തുടക്കവും നിവിൻ തന്നെയാകും തിയേറ്ററുകൾ ഭരിക്കുകയെന്നും ആരാധകർ പറയുന്നു.
ക്രിസ്മസ് ദിനത്തിലാണ് ‘സർവ്വം മായ’ റിലീസ് ചെയ്തത്. ഓരോ ദിവസവും കളക്ഷൻ ഉയരുകയാണ്. ആദ്യ മൂന്ന് ദിവസങ്ങളിൽ കേരളത്തിൽ നിന്ന് മാത്രം ചിത്രം നേടിയത് 12.65 കോടി രൂപ.
ആദ്യ ഞായറാഴ്ചയായ ഇന്നലെ മാത്രം 5.72 കോടി രൂപ കേരള ബോക്സ് ഓഫീസിൽ നിന്ന് നേടി. ആദ്യ വീക്കെൻഡിൽ കേരള ഗ്രോസ് 18.37 കോടി രൂപയാണ്. ഇന്ത്യാ കളക്ഷൻ 6.60 കോടി രൂപ കടന്നതായും റിപ്പോർട്ടുകൾ സൂചിപ്പിക്കുന്നു.
ഈ നേട്ടത്തോടെ മമ്മൂട്ടി ചിത്രം ‘കളങ്കാവലിനെ മറികടന്ന് കേരളത്തിലെ മികച്ച ഓപ്പണിങ് വീക്കെൻഡ് ഗ്രോസ് നേടിയ ചിത്രങ്ങളുടെ പട്ടികയിൽ ‘സർവ്വം മായ’ ഇടം പിടിച്ചു. ‘എമ്പുരാൻ’, ‘തുടരും’ എന്നിവ മാത്രമാണ് ഇപ്പോൾ ചിത്രത്തിനുമുന്നിലുള്ളത്.
അധികം വൈകാതെ തന്നെ ചിത്രം 50 കോടി ക്ലബ്ബിൽ പ്രവേശിക്കുമെന്നാണ് വിലയിരുത്തൽ. ഇതിനോടകം തന്നെ ആഗോള കളക്ഷൻ 40 കോടി പിന്നിട്ടതായി റിപ്പോർട്ടുകളുണ്ട്.
അഖിൽ സത്യൻ സംവിധാനം ചെയ്ത ‘സർവ്വം മായ’യിൽ റിയ ഷിബു, അജു വർഗീസ് എന്നിവരും പ്രധാന കഥാപാത്രങ്ങളിലെത്തി.
ജസ്റ്റിൻ പ്രഭാകറാണ് സംഗീതം, ശരൺ വേലായുധനാണ് ഛായാഗ്രഹണം. ഫയർഫ്ലൈ ഫിലിംസാണ് ചിത്രം നിർമ്മിച്ചിരിക്കുന്നത്.
English Summary
Nivin Pauly has made a massive comeback with Sarvam Maya after a 600-day gap. Released with minimal hype, the film has turned into a box office sensation, recording houseful shows across Kerala. The movie collected ₹18.37 crore from Kerala alone in its opening weekend and has crossed ₹40 crore globally, marking one of the strongest comebacks in recent Malayalam cinema.
nivin-pauly-sarvam-maya-box-office-comeback
Nivin Pauly, Sarvam Maya, Malayalam cinema, box office collection, Nivin Pauly comeback, Christmas release, Akhil Sathyan, Kerala box office
