കൊച്ചി: നിരോധിത സംഘടനയായ പോപ്പുലർ ഫ്രണ്ട് ഓഫ് ഇന്ത്യ (PFI) കേരളത്തിൽ നടപ്പിലാക്കിയ സമാന്തര
ഭരണകൂട പ്രവർത്തനങ്ങളുടെയും ആയുധ പരിശീലനത്തിന്റെയും ഞെട്ടിക്കുന്ന വിവരങ്ങൾ പുറത്ത്.
എൻഐഎ എറണാകുളം പ്രത്യേക കോടതിയിൽ സമർപ്പിച്ച റിപ്പോർട്ടിലാണ് സംഘടനയുടെ ഭീകരമുഖം ദേശീയ അന്വേഷണ ഏജൻസി അക്കമിട്ട് നിരത്തുന്നത്.
യോഗയുടെയും കായിക വിനോദങ്ങളുടെയും മറവിൽ രഹസ്യ ആയുധ പരിശീലന കേന്ദ്രങ്ങൾ
പൊതുസമൂഹത്തിന് മുന്നിൽ യോഗ പരിശീലനം, ദുരിതാശ്വാസ പ്രവർത്തനങ്ങൾ, ആയോധനകലകൾ,
ശാരീരിക വികസന പരിപാടികൾ എന്നിവയെന്ന വ്യാജേനയാണ് പിഎഫ്ഐ തങ്ങളുടെ കേഡറുകൾക്ക് മാരകായുധങ്ങളിൽ പരിശീലനം നൽകിയിരുന്നത്.
സന്നദ്ധ സംഘടനകളെന്ന ലേബലിൽ പ്രവർത്തിക്കുന്ന വിവിധ ‘ട്രസ്റ്റുകളുടെ’ കീഴിലുള്ള കെട്ടിടങ്ങളും സ്ഥാപനങ്ങളും ഇതിനായി ദുരുപയോഗം ചെയ്തു.
പുറംലോകം അറിയാത്ത രീതിയിൽ അതീവ രഹസ്യമായിട്ടായിരുന്നു ക്യാമ്പുകളുടെ നടത്തിപ്പ്.
ഘട്ടം ഘട്ടമായുള്ള സ്ക്രീനിംഗിലൂടെ തിരഞ്ഞെടുക്കുന്ന പ്രത്യേക ‘ഡെത്ത് സ്ക്വാഡുകൾ’
സംഘടനയിലെ എല്ലാ അംഗങ്ങൾക്കും ഇത്തരം പരിശീലനം നൽകിയിരുന്നില്ല.
വിവിധ ഘട്ടങ്ങളിലായി പ്രവർത്തകരെ നിരീക്ഷിക്കുകയും അവരുടെ വിശ്വസ്തതയും മാനസികാവസ്ഥയും പരിശോധിക്കുകയും ചെയ്ത ശേഷം ‘ഫിൽട്ടർ’ ചെയ്തെടുക്കുന്ന കേഡറുകൾക്ക് മാത്രമാണ്
ആയുധങ്ങളും സ്ഫോടകവസ്തുക്കളും കൈകാര്യം ചെയ്യാൻ പ്രത്യേക പരിശീലനം നൽകിയിരുന്നത്. ഇവർ പിന്നീട് സംഘടനയുടെ ഏറ്റവും വിനാശകരമായ വിഭാഗമായി മാറുകയായിരുന്നു.
‘ദാറുൽ ഖസ’ എന്ന സമാന്തര കോടതിയും തീരുമാനങ്ങൾ നടപ്പാക്കുന്ന ‘സർവീസ് ടീമും’
ഇന്ത്യൻ നീതിന്യായ വ്യവസ്ഥയ്ക്ക് വിരുദ്ധമായി പിഎഫ്ഐ രൂപീകരിച്ച ‘ദാറുൽ ഖസ’ എന്ന സമാന്തര കോടതി പുറപ്പെടുവിക്കുന്ന വിധികൾ നടപ്പിലാക്കാൻ ഈ പരിശീലനം ലഭിച്ച കേഡറുകളെയാണ് ഉപയോഗിച്ചിരുന്നത്.
ഇതിനായി ‘റിപ്പോർട്ടർമാർ’, ‘സർവീസ് യൂണിറ്റ്’ എന്നിങ്ങനെ രണ്ട് വിഭാഗങ്ങൾ പ്രവർത്തിച്ചു.
ശത്രുക്കളായി പ്രഖ്യാപിക്കുന്നവരുടെ വിവരങ്ങൾ ശേഖരിക്കാൻ റിപ്പോർട്ടർമാരും, അവരെ ഇല്ലാതാക്കാൻ ആയുധധാരികളായ സർവീസ് ടീമും സജ്ജമായിരുന്നു.
വെള്ളനാട് പഞ്ചായത്തിൽ സെക്രട്ടറിയെ പൂട്ടിയിട്ടു, പിന്നാലെ കേക്ക് കത്തികൊണ്ട് ആത്മഹത്യാ ഭീഷണി!
കേരളത്തിൽ ലക്ഷ്യമിട്ട വ്യക്തികളെ ഇല്ലാതാക്കാൻ മുൻകൂട്ടി തയ്യാറാക്കിയ പദ്ധതികൾ
കേരളത്തിലെ വിവിധ ഭാഗങ്ങളിൽ തങ്ങൾക്കെതിരെ നിൽക്കുന്ന വ്യക്തികളെയും മറ്റ് പ്രസ്ഥാനങ്ങളിലെ നേതാക്കളെയും ഇല്ലാതാക്കാൻ പിഎഫ്ഐ കൃത്യമായ പദ്ധതികൾ തയ്യാറാക്കിയിരുന്നു.
നേതൃത്വം നൽകുന്ന ഷോർട്ട്ലിസ്റ്റുകൾ പ്രകാരം അതീവ രഹസ്യമായി ഓപ്പറേഷനുകൾ പൂർത്തിയാക്കാൻ ഈ കേഡറുകൾക്ക് കഴിഞ്ഞിരുന്നു.
കേവലം രാഷ്ട്രീയ സംഘർഷങ്ങൾക്കപ്പുറം വലിയൊരു ഭീകരശൃംഖലയുടെ പ്രവർത്തനമാണ് ഇതിലൂടെ നടന്നതെന്ന് എൻഐഎ കോടതിയെ ബോധിപ്പിച്ചു.
English Summary
The National Investigation Agency (NIA) has submitted a detailed report to the Ernakulam Special Court, exposing the clandestine operations of the banned outfit Popular Front of India (PFI). The report reveals that PFI conducted extensive weapon and explosives training for its selected cadres under the guise of yoga and physical fitness programs.
