തിരുവനന്തപുരം: തിരുവനന്തപുരത്ത് കൃഷി വകുപ്പ് ഡയറക്ടറുടെ ഓഫിസില് ജോലി സമയത്ത് നടന്ന ജീവനക്കാരുടെ പുതുവര്ഷാഘോഷം വിവാദത്തിൽ. രാവിലെ 11 മണിമുതല് ആറുമണിവരെയായിരുന്നു ജീവനക്കാർ എല്ലാവരും പങ്കെടുത്ത പുതുവർഷാഘോഷം നടന്നത്. വികാസ് ഭവനിലാണ് നേരത്തെ മാറ്റിവെച്ച ആഘോഷപരിപാടി നടന്നത്.
ഡയറക്ടര് അദീല അബ്ദുള്ള ഡല്ഹിയിലായിരിക്കെയായിരുന്നു ജീവനക്കാരുടെ ആഘോഷം. തെരഞ്ഞെടുപ്പ് കമ്മീഷൻ്റെ യോഗവുമായി ബന്ധപ്പെട്ടായിരുന്നു ഡയറക്ടർ ഡല്ഹിയിലേക്കു പോയത്. ഫയലുകള് തീർപ്പാക്കാൻ നിരന്തര യജ്ഞങ്ങള് നടത്തിയിട്ടും പരാജയപ്പെട്ട സർക്കാരും വകുപ്പുകളുമാണ് സംസ്ഥാനത്തുള്ളത്.
അതിനിടയിലാണ് ഓഫീസ് സമയത്തെ സർക്കാർ ജീവനക്കാരുടെ ആഘോഷം. പുതുവർഷം കഴിഞ്ഞ് 18 ദിവസാമായിരുന്നു ഇവരുടെ ആഘോഷമെന്നതാണ് ഏറെ ശ്രദ്ധേയം. ഡയറക്ടറുടെ അഭാവത്തില് പണിമുടക്കി ആഘോഷം നടത്തിയത് ചില സർവീസ് സംഘടനാ നേതാക്കളുടെ പിന്തുണയോടെയാണെന്നാണ് വിവരം.
