ദിനം പ്രതി മത്സരങ്ങൾ കൊടുക്കുന്ന മേഖലയാണ് ഇലക്ട്രിക് സ്‌കൂട്ടർ വിഭാഗം . ഉയർന്ന വിലയാണ് വാഹനങ്ങൾക്ക് എന്നത് സാധാരക്കാർക് ഇതൊരു സ്വപ്നമായി മാറുന്നു. അത് കൊണ്ട് തന്നെ ഒരുലക്ഷത്തിൽ താഴെ വില വരുന്ന സിമ്പിൾ എനർജി അവതരിപ്പിച്ച രണ്ടാമത്തെ ഇലക്ട്രിക് സ്‌കൂട്ടർ ആരാധകർക്ക് പ്രിയപെട്ടതാകുന്നു . പുതിയ ഇലക്ട്രിക് സ്‌കൂട്ടർ വിപണിയിൽ എത്തിയത് ഒലയ്ക്കും ആതറിനും ഏറെ വെല്ലുവിളികൾ ഉയർത്തി . ഒട്ടേറെ സവിശേഷതകൾ ഉള്ള സ്‍കൂട്ടറിൻറെ ചില വിശേഷങ്ങൾ അറിയാം.

മൊത്തം നാല് നിറങ്ങളിൽ ( റെഡ്, ബ്രേസൻ ബ്ലാക്ക്, ഗ്രേസ് വൈറ്റ്, അസൂർ ബ്ലൂ) വാഹനം ലഭ്യമാണ്. 99,999 രൂപ പ്രാരംഭ വിലയിലാണ് കമ്പനി ഈ സ്കൂട്ടർ അവതരിപ്പിച്ചിരിക്കുന്നത് എന്നത് തന്നെ വലിയ സവിശേഷതയാണ് , മാത്രമല്ല സിമ്പിൾ ഡോട്ട് വണ്ണിൽ, കമ്പനി 3.7 kWh ശേഷിയുള്ള ബാറ്ററി പായ്ക്ക് നൽകിയിട്ടുണ്ട്. ഈ സ്‌കൂട്ടർ ഒറ്റ ചാർജിൽ 151 കിലോമീറ്റർ വരെ ഡ്രൈവിംഗ് റേഞ്ച് നൽകുമെന്ന് അവകാശപ്പെടുന്നു.ഡോട്ട് വൺ 750W ചാർജറുമായി വരുന്നു.

ഈ സ്‌കൂട്ടറിൽ കമ്പനി 72 എൻഎം ടോർക്ക് ഉൽപ്പാദിപ്പിക്കുന്ന 8.5 കിലോവാട്ട് ശേഷിയുള്ള ഇലക്ട്രിക് മോട്ടോറാണ് ഉപയോഗിച്ചിരിക്കുന്നത്. 12 ഇഞ്ച് വീലുകളുള്ള ഈ സ്‌കൂട്ടറിന് പ്രത്യേകം രൂപകല്പന ചെയ്ത ട്യൂബ് ലെസ് ടയറുകളാണ് ഉപയോഗിച്ചിരിക്കുന്നത്. വെറും 2.77 സെക്കന്റുകൾ കൊണ്ട് മണിക്കൂറിൽ 0 മുതൽ 40 കിലോമീറ്റർ വരെ വേഗത കൈവരിക്കാൻ ഈ സ്കൂട്ടറിന് കഴിയുമെന്ന് കമ്പനി അവകാശപ്പെടുന്നു.

ഒരു സവിശേഷത എന്ന നിലയിൽ, ഈ സ്‌കൂട്ടറിന് 35 ലിറ്റർ സീറ്റിനടിയിൽ സ്റ്റോറേജ് നൽകിയിട്ടുണ്ട്, അതിൽ നിങ്ങൾക്ക് ആവശ്യമായ സാധനങ്ങൾ സൂക്ഷിക്കാം. ഇതുകൂടാതെ, ടച്ച്‌സ്‌ക്രീൻ ഇൻസ്ട്രുമെന്റ് ക്ലസ്റ്ററും മറ്റ് സവിശേഷതകളും പ്രവർത്തിപ്പിക്കുന്നതിന് ആപ്പ് കണക്റ്റിവിറ്റി സൗകര്യവും നൽകിയിട്ടുണ്ട്.

Read Also : ജനപ്രിയ ജീപ്പുകൾക്ക് പുതുവർഷത്തിൽ വില കുതിക്കും