ദില്ലി: ടോള് പ്ലാസകളിലൂടെ കടന്നു പോകുന്നവര് ഇന്ന് മുതല് ശ്രദ്ധിക്കണം. പുതിയ ഫാസ്റ്റ് ടാഗ് നിയമങ്ങള് രാജ്യത്ത് അർധരാത്രി മുതൽ പ്രാബല്യത്തിലായി.
നാഷണൽ പേയ്മെന്റ്സ് കോർപ്പറേഷൻ ഓഫ് ഇന്ത്യ (എൻ പി സി ഐ) ഫാസ്ടാഗ് ബാലൻസ് വാലിഡേഷൻ നിയമങ്ങളിലാണ് വലിയ മാറ്റം വരുത്തിയിട്ടുള്ളത്.
ഈ മാറ്റം ഫാസ്റ്റാഗ് ഇൻസ്റ്റാൾ ചെയ്തിട്ടുള്ള കാറിലെ എല്ലാ ഉപയോക്താക്കളെയും നേരിട്ട് ബാധിക്കും.
ആദ്യത്തേത് വാഹനങ്ങളിലെ ഫാസ്റ്റ് ടാഗ് ബ്ലാക്ക് ലിസ്റ്റ് ചെയ്യപ്പെട്ടിട്ടുണ്ടെങ്കില് ഇടപാട് നടത്താനാകില്ല എന്നതാണ്. ബാലന്സ് ഇല്ലാതിരിക്കുക, കെ വൈ സി പൂര്ത്തിയാകാത്ത സാഹചര്യങ്ങള്, ചേസിസ് നമ്പറും വാഹനത്തിന്റെ രജിസ്റ്റര് നമ്പറും തമ്മില് വ്യത്യാസമുണ്ടാവുക തുടങ്ങിയ കാരണങ്ങൾ കൊണ്ട് ഫാസ്റ്റ് ടാഗ് ബ്ലാക്ക് ലിസ്റ്റ് ചെയ്യപ്പെടാം.
ടോള് ബൂത്ത് എത്തുന്നതിന് ഒരു മണിക്കൂർ മുമ്പ് ഫാസ്റ്റ് ടാഗ് ബ്ലാക്ക് ലിസ്റ്റ് ചെയ്യപ്പെട്ടിട്ടുണ്ടെങ്കില് അവസാന നിമിഷം റീച്ചാര്ജ് ചെയ്യാന് സാധിക്കില്ല.
ഫാസ്റ്റ് ടാഗ് സ്കാന് ചെയ്ത് 10 മിനിറ്റിന് ശേഷമാണ് ബ്ലാക്ക് ലിസ്റ്റ് ചെയ്യപ്പെടുന്നതെങ്കിലും ഇടപാട് റദ്ദാക്കപ്പെടും.ടോള്പ്ലാസ കടന്ന് 10 മിനിറ്റിന് ശേഷം റീച്ചാര്ജ് ചെയ്താല് ഈടാക്കിയ പിഴ ഒഴിവാക്കാവുന്നതാണ്.
നിയമം ലംഘിക്കുന്ന വാഹന ഉടമകളില് നിന്ന് സാധാരണ ടോള് നിരക്കിന്റെ ഇരട്ടിയെന്ന നിലയിലാകും പിഴ ഈടാക്കുക
