കണ്ണൂര്: എഡിഎം നവീന് ബാബുവിന്റെ മരണത്തില് കൈക്കൂലി ആരോപണം ഉന്നയിച്ച ടി വി പ്രശാന്തനെ ആരോഗ്യവകുപ്പ് സസ്പെന്ഡ് ചെയ്തു. പരിയാരം മെഡിക്കല് കോളേജില് ഇലക്ട്രീഷന് ജോലിയിൽ നിന്നാണ് പ്രശാന്തനെ സസ്പെന്ഡ് ചെയ്തത്. ആരോഗ്യ വകുപ്പ് അഡീഷണല് ചീഫ് സെക്രട്ടറിയും ജോയിന്റ് ഡിഎംഇയും നടത്തിയ അന്വേഷണത്തെ തുടർന്നാണ് നടപടി.( Naveen Babu death; T V Prasanth suspended by Heath department)
നവീന് ബാബുവിന്റെ മരണത്തില് ആരോപണ വിധേയനായ ടി വി പ്രശാന്തന് ഒക്ടോബര് 10ാം തിയ്യതി മുതല് അനധികൃതമായി സേവനത്തില് നിന്നും വിട്ടുനില്ക്കുകയാണ്. അഡിഷണൽ ചീഫ് സെക്രട്ടറി നടത്തിയ അന്വേഷണത്തിലാണ് ടിവി പ്രശാന്തൻ അനധികൃതമായി ജോലിയിൽ നിന്ന് വിട്ടുനിൽക്കുന്നതായി കണ്ടെത്തിയത്. മാത്രവുമല്ല കൈക്കൂലി നൽകിയെന്ന് പരസ്യമായി പ്രഖ്യാപിച്ചതും ഇയാൾക്കെതിരെ കടുത്ത നടപടിക്ക് അന്വേഷണസംഘം ശുപാർശ ചെയ്തിരുന്നു.
