ഡൽഹി: വാട്സാപ്പിൽ പൊതുജനങ്ങൾക്ക് അയക്കുന്ന മോദിയുടെ വികസിത് ഭാരത് സമ്പർക്ക് സന്ദേശത്തില് വിവാദം. വാട്സാപ്പ് സന്ദേശത്തിനെതിരെ തൃണമൂല് കോണ്ഗ്രസ് തെരഞ്ഞെടുപ്പ് കമ്മീഷന് പരാതി നല്കി. സ്ഥാനാർത്ഥിയായിരിക്കെ മോദിയുടെ പേരില് അയച്ച സന്ദേശം ചട്ടലംഘനമെന്ന് ടിഎംസി കുറ്റപ്പെടുത്തി.
മൊബൈല് നമ്പറുകള് എവിടെ നിന്ന് ലഭിച്ചുവെന്ന് സർക്കാർ വ്യക്തമാക്കണമെന്നും എത്ര മൊബൈല് നമ്പറുകളിലേക്ക് വാട്സപ്പ് സന്ദേശം അയച്ചുവെന്ന് വെളിപ്പെടുത്തണമെന്നും ആവശ്യപ്പെട്ട് ടിഎംസി ഐടി മന്ത്രാലയത്തെയും സമീപിച്ചിട്ടുണ്ട്. തനിക്ക് വാട്സാപ്പില് ലഭിച്ചത് തെരഞ്ഞെടുപ്പ് പ്രഖ്യാപിച്ചതിന് ശേഷമാണെന്നും സർക്കാരിന് എങ്ങനെ തന്റെ നമ്പർ ലഭിച്ചുവെന്ന് പറയണമെന്നും കോണ്ഗ്രസ് നേതാവ് മനീഷ് തിവാരിയും ആവശ്യപ്പെട്ടു.
