ഗുരുവായൂരപ്പനെ കണ്ടു തൊഴുത് മുകേഷ് അംബാനി
തൃശൂർ: റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി ഗുരുവായൂർ ക്ഷേത്രത്തിലെത്തി ദേവസ്വം മൾട്ടി സ്പെഷ്യാലിറ്റി ആശുപത്രിക്കായി ആദ്യഗഡുവായി 15 കോടി രൂപയുടെ ചെക്ക് ദേവസ്വത്തിന് കൈമാറി.
ഞായറാഴ്ച രാവിലെ 7.30ഓടെയാണ് അംബാനി ക്ഷേത്രത്തിലെത്തിയത്. അരമണിക്കൂറോളം ദർശനത്തിനും പ്രാർത്ഥനയ്ക്കുമുശേഷമാണ് അദ്ദേഹം മടങ്ങിയത്.
ശ്രീകൃഷ്ണ കോളേജ് മൈതാനത്താണ് ഹെലികോപ്റ്ററിൽ എത്തി ഇറങ്ങിയത്.
തുടർന്ന് റോഡ് മാർഗം തെക്കേ നടയിലൂടെ ശ്രീവത്സം അതിഥി മന്ദിരത്തിലെത്തിയ അംബാനിയെ ദേവസ്വം ചെയർമാൻ ഡോ. വി.കെ. വിജയൻ, ഭരണസമിതി അംഗം സി. മനോജ്, അഡ്മിനിസ്ട്രേറ്റർ ഒ.ബി. അരുണ്കുമാർ എന്നിവർ സ്വീകരിച്ചു. ചെയർമാൻ അംബാനിയെ പൊന്നാടയണിയിച്ചു.
ക്ഷേത്രത്തിലെത്തി ശ്രീകോവിലിൽ ദർശനം നടത്തിയ ശേഷം മുകേഷ് അംബാനി 15 കോടി രൂപയുടെ ചെക്ക് ദേവസ്വത്തിന് കൈമാറി.
ദേവസ്വം ചെയർമാൻ ഡോ. വി.കെ. വിജയൻ, ഭരണസമിതി അംഗം സി. മനോജ് എന്നിവർ ആശുപത്രിയുടെയും ആനകൾക്കായുള്ള ആധുനിക മൃഗാശുപത്രിയുടെയും രൂപരേഖ മുകേഷ് അംബാനിക്ക് സമർപ്പിച്ചു.
“എന്ത് സഹായവും നൽകാം” എന്ന് അംബാനി ഉറപ്പു നൽകി. ഗുജറാത്തിലെ റിലയൻസ് വന്യജീവി പരിപാലന മാതൃകയിൽ ദേവസ്വത്തിലെ ആനകളുടെ പരിപാലനത്തിനായി സഹകരിക്കാമെന്നും അദ്ദേഹം പറഞ്ഞു.
സാധാരണ ദർശനം നിയന്ത്രണത്തിലുള്ള പൊതു അവധി ദിനമായതിനാൽ 25 പേർക്ക് ശ്രീകോവിലിൽ നെയ്യ് വിളക്ക് വഴിപാട് ശീട്ടാക്കിയാണ് അംബാനി ക്ഷേത്രത്തിൽ പ്രവേശിച്ചത്.
ഗുരുവായൂരപ്പനോട് പ്രാർത്ഥിച്ച് മേൽശാന്തിയിൽ നിന്ന് പ്രസാദം ഏറ്റുവാങ്ങിയ ശേഷം, കൊടിമര ചുവട്ടിൽ ദേവസ്വം ചെയർമാൻ കളഭം,
തിരുമുടിമാല, പഴം, പഞ്ചസാര എന്നിവയും ഗുരുവായൂരപ്പന്റെ പ്രസാദമായി നൽകി. ദേവസ്വം ചുവർചിത്രം സമ്മാനമായി നൽകി. രാവിലെ എട്ട് മണിയോടെ അംബാനി ക്ഷേത്രത്തിൽ നിന്ന് മടങ്ങി.
English Summary:
Reliance Industries Chairman Mukesh Ambani visited the Guruvayur Temple in Thrissur and handed over a cheque of ₹15 crore as the first installment towards the proposed Devaswom multi-specialty hospital. Ambani arrived by helicopter at the Sreekrishna College ground and was received by Devaswom Chairman Dr. V.K. Vijayan and other officials. He offered prayers at the temple and assured full support for the hospital and the planned modern animal care centre for temple elephants. Ambani also expressed willingness to share the wildlife management model used by Reliance in Gujarat. He received temple offerings and left after half an hour of worship.
mukesh-ambani-guruvayur-donation-15-crore
Mukesh Ambani, Guruvayur Temple, Reliance Industries, Devaswom Hospital, Kerala News, Thrissur, Temple Donation
