സ്വകാര്യ ബസ് തൊഴിലാളികള്ക്ക് നേരെ തോക്ക് ചൂണ്ടിയതിന് തൊപ്പി എന്ന മുഹമ്മദ് നിഹാൽ വടകര പൊലീസ് കസ്റ്റഡിയില്. വടകര ബസ് സ്റ്റാന്റില് വെച്ച് ലൈസന്സ് ആവശ്യമില്ലാത്ത എയര് പിസ്റ്റണ് ആണ് സ്വകാര്യ ബസ് തൊഴിലാളികള്ക്ക് നേരെ ചൂണ്ടിയത്.
വൈകിട്ട് 5.30യോടെയായിരുന്നു സംഭവം. വടകര-കൈനാട്ടി ദേശീയപാതയില് കോഴിക്കോടേക്ക് പോകുകയായിരുന്നു മുഹമദ് നിഹാല്. കാറിന് അരികിലേക്ക് അശ്രദ്ധമായി ബസ് എത്തിയെന്ന് ആരോപിച്ചാണ് തൊപ്പിയും സുഹൃത്തുക്കളും അതിക്രമത്തിന് മുതിർന്നത്.
ബസിന് പിന്നാലെ തൊപ്പിയും കാര് യാത്രക്കാരായ രണ്ട് പേരും വടകര ബസ് സ്റ്റാന്റിൽ എത്തി. തുടര്ന്ന് ബസ് ജീവനക്കാരുമായി വാക്കേറ്റമുണ്ടാവുകയും തോക്ക് ചൂണ്ടുകയുമായിരുന്നു.
തുടർന്ന് കാറുമായി രക്ഷപെടാന് ശ്രമിക്കുന്നതിനിടെ ബസ് തൊഴിലാളികള് തൊപ്പിയെ തടഞ്ഞ് വെച്ച് പൊലീസില് ഏല്പ്പിക്കുകയായിരുന്നു. പരാതിയില്ലാത്തതിനാല് ഇതുവരെ കേസ് എടുത്തിട്ടില്ല.
