കാസർഗോഡ്: കാസർഗോഡ് നിന്നും കാണാതായ യുവാവിനെ മരിച്ച നിലയിൽ കണ്ടെത്തി. കാണാതായതിനെ തുടർന്ന് തിരച്ചിൽ നടത്തുന്നതിനിടെ ചെമ്മനാട് പുഴയിൽ മരിച്ച നിലയിൽ കണ്ടെത്തുകയായിരുന്നു. തെരുവത്ത് സ്വദേശിയായ സയ്യിദ് സക്കറിയ ആണ് മരിച്ചത്.
നഗരത്തിലെ ഫുട്പാത്തിൽ പഴക്കച്ചവടം നടത്തിവരികയായിരുന്ന യുവാവിനെ ചൊവ്വാഴ്ച രാത്രി മുതൽ കാണാതാവുകയായിരുന്നു. സംഭവത്തെ തുടർന്ന് വ്യാപക തെരച്ചിൽ നടത്തിവരുന്നതിനിടെയാണ് മൃതദേഹം കണ്ടെത്തിയത്.
ഉടൻ തന്നെ ബന്ധപ്പെട്ട അധികൃതരെത്തി മൃതദേഹം ആശുപത്രിയിലേക്ക് മാറ്റി. യുവാവിന്റെ മരണത്തിൽ അന്വേഷണം നടത്തിവരികയാണ് പോലീസ്. മരണത്തെ സംബന്ധിച്ച വിവരങ്ങൾ ഒന്നും തന്നെ ഇതുവരെ ലഭിച്ചിട്ടില്ല.
പാലാ-തൊടുപുഴ റോഡിൽ വാഹനാപകടം; യുവാവ് മരിച്ചു
കോട്ടയം: പാലാ തൊടുപുഴ റോഡിൽ ഉണ്ടായ വാഹനാപകടത്തിൽ യുവാവ് മരിച്ചു. ബസും സ്കൂട്ടറും കൂട്ടിയിടിച്ചായിരുന്നു അപകടം. സംഭവത്തിൽ മുണ്ടാങ്കൽ സ്വദേശി ധനേഷ് ആണ് മരിച്ചത്. ഇന്ന് രാവിലെ പതിനൊന്നരയോടെയായിരുന്നു വാഹനാപകടം നടന്നത്.
ധനേഷും ഭാര്യയും സഞ്ചരിച്ച സ്കൂട്ടർ പെട്രോൾ പമ്പിൽ നിന്നും പുറത്തേയ്ക്ക് ഇറങ്ങുന്നതിനിടെ ബസിൽ ഇടിക്കുകയായിരുന്നു. ഇടിയുടെ ആഘാതത്തിൽ സംഭവ സ്ഥലത്തുവെച്ചു തന്നെ ധനേഷിന് ജീവൻ നഷ്ടമായിരുന്നു.
ഒപ്പമുണ്ടായിരുന്ന ഭാര്യയ്ക്കും അപകടത്തിൽ പരിക്കേറ്റിട്ടുണ്ട്. ഇവരെ ഉടൻ തന്നെ ആശുപത്രിയിലെത്തിച്ചു. ധനേഷിന്റെ മൃതദേഹം ആശുപത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം മൃതദേഹം കുടുംബാംഗങ്ങൾക്ക് വിട്ടുനൽകും.
