സൊസൈറ്റിക്ക് മുന്നിൽ ‘പാലഭിഷേകം’; അർഹമായ വില നൽകുന്നില്ലെന്ന് ആരോപിച്ച് ക്ഷീരകർഷകന്റെ വേറിട്ട പ്രതിഷേധം
കൊല്ലം: സൊസൈറ്റിയിൽ നൽകുന്ന പാലിന് അർഹമായ വില നൽകുന്നില്ലെന്നും ക്രമക്കേടുകൾ നടക്കുന്നുവെന്നും ആരോപിച്ച് ക്ഷീരകർഷകന്റെ പ്രതിഷേധം.
പരവൂർ നെടുങ്ങോലം കൂനയിൽ പ്രവർത്തിക്കുന്ന ക്ഷീരോൽപാദക സഹകരണ സംഘത്തിന് മുന്നിലായിരുന്നു പ്രതിഷേധം നടന്നത്.
ക്ലാസ് മുറിയിൽ 12കാരിയെ പീഡിപ്പിച്ചു; മദ്രസ അധ്യാപകന് 14 വർഷം കഠിന തടവ്
പക്ഷപാതപരമായ സമീപനമെന്ന ആരോപണം
നെടുങ്ങോലം സ്വദേശിയായ യുവ കർഷകൻ വിഷ്ണുവാണ് ശരീരത്തിലൂടെ പാൽ ഒഴിച്ച് പ്രതിഷേധം നടത്തിയത്.
മാസങ്ങളായി സൊസൈറ്റിയിൽ പാൽ നൽകുന്ന തനിക്കെതിരെ ജീവനക്കാർ പക്ഷപാതപരമായി പെരുമാറുകയാണെന്ന് വിഷ്ണു ആരോപിക്കുന്നു.
നൽകുന്ന പാലിന് ഗുണനിലവാരമില്ലെന്ന് ചൂണ്ടിക്കാട്ടി വില കുറയ്ക്കുകയോ നിഷേധിക്കുകയോ ചെയ്യുന്നതായും പറയുന്നു.
ബില്ലിംഗ് ക്രമക്കേടുകൾ ആരോപിക്കുന്നു
താൻ നൽകുന്ന പാൽ മറ്റാരാളുടെ പേരിൽ ബില്ല് ചെയ്യുന്നതാണ് സൊസൈറ്റിയിലെ പതിവ് നടപടിയെന്നും ഇത് ചോദ്യം ചെയ്തതോടെയാണ് ജീവനക്കാരുടെ വൈരാഗ്യം ആരംഭിച്ചതെന്നും വിഷ്ണു ആരോപിക്കുന്നു.
രാഷ്ട്രീയ ഇടപെടലുകളുണ്ടെന്ന ആക്ഷേപം
സൊസൈറ്റിക്കുള്ളിലെ രാഷ്ട്രീയ ഇടപെടലുകളാണ് പ്രശ്നങ്ങൾക്ക് പിന്നിലെന്നും വിഷ്ണു പറയുന്നു.
ഇതാണ് തനിക്കെതിരായ നടപടികൾക്ക് കാരണമാകുന്നതെന്നും ആരോപണമുണ്ട്.
പ്രതിഷേധം സോഷ്യൽ മീഡിയയിൽ ശ്രദ്ധ നേടുന്നു
നിരവധി പശുക്കളുള്ള വിഷ്ണു ലിറ്റർ കണക്കിന് പാലാണ് ദിവസേന സൊസൈറ്റിയിൽ എത്തിക്കുന്നതെന്ന് പറയുന്നു.
ക്ഷീരകൃഷിയുമായി ബന്ധപ്പെട്ട ഉള്ളടക്കങ്ങൾ സോഷ്യൽ മീഡിയയിൽ പങ്കുവയ്ക്കുന്ന വിഷ്ണുവിന്റെ വേറിട്ട ‘പാലഭിഷേകം’ പ്രതിഷേധ ദൃശ്യങ്ങൾ സൈബർ ലോകത്ത് വ്യാപകമായി ശ്രദ്ധ നേടുകയാണ്.
English Summary:
A dairy farmer staged a dramatic protest by pouring milk over himself in front of a milk cooperative society in Nedungolam, Kollam, alleging denial of fair pricing and discriminatory treatment. The farmer claimed his milk was undervalued citing quality issues and was allegedly billed under another person’s name. He also alleged political interference within the cooperative. The protest visuals have gone viral on social media.
