സോഷ്യൽ മീഡിയയിൽ മിക്കപ്പോഴും ചർച്ചയാക്കുന്ന നടിയാണ് മീനാക്ഷി രവീന്ദ്രൻ. വസ്ത്രധാരണത്തിന്റെ പേരിൽ നടിക്ക് നേരെ സൈബർ ആക്രമണങ്ങളും പതിവാണ് . കഴിഞ്ഞ ദിവസം കടകൻ എന്ന സിനിമയുടെ പ്രൊമോഷന് എത്തിയ മീനാക്ഷിയുടെ ദൃശ്യങ്ങൾ സോഷ്യൽ മീഡിയയിൽ പ്രചരിച്ചു.വീഡിയോ തെറ്റായ ആംഗിളിൽ ഷൂട്ട് ചെയ്തതാണെന്ന് ആരോപിച്ച് മീനാക്ഷി രംഗത്ത് വരികയുമുണ്ടായി. ഇപ്പോഴിതാ ഇതേക്കുറിച്ച് സംസാരിക്കുകയാണ് മീനാക്ഷി.
എന്റെ ഡ്രസ്സിങിനെ കുറിച്ചോ, മറ്റോ എന്ത് വിവാദങ്ങളുണ്ടായാലും അതൊന്നും എന്നെ ബാധിക്കുന്നതല്ല. എവിടെയും ഞാന് അതിനോട് പ്രതികരിക്കാറുമില്ല. അഭിമുഖങ്ങളില് വന്നിരിക്കുമ്പോള് മാത്രമാണ് അതേ കുറിച്ച് സംസാരിക്കുന്നത്. അതും നിങ്ങള്ക്ക് എന്തെങ്കിലും പ്രശ്നമുണ്ടോ, എന്താണ് അഭിപ്രായം എന്നൊക്കെ ആവര്ത്തിച്ച് ചോദിക്കുമ്പോള് മാത്രം. സത്യം പറയാമല്ലോ, എനിക്ക് അതുകൊണ്ട് ഒരു പ്രശ്നവും ഇല്ല.
അടുത്തിടെ എനിക്ക് അൺകംഫർട്ടബിൾ ആണെന്ന് തോന്നുന്ന രീതിയിൽ ഒരു വീഡിയോ ഇറങ്ങി. ഞാൻ പ്രൊഡക്ഷനിലാണ് ഇതേക്കുറിച്ച് പറഞ്ഞത്. മീനാക്ഷി നേരിട്ട് സംസാരിക്കേണ്ട, ഞങ്ങൾ സംസാരിച്ചോളാം എന്ന് പ്രൊഡക്ഷനിൽ നിന്ന് പറഞ്ഞു. ആ വീഡിയോ നീക്കം ചെയ്തു എന്നാണ് വിശ്വാസം. അതിന്റെ പിന്നാലെ നടക്കാൻ എനിക്ക് വയ്യ. എനിക്ക് അല്ലാതെ തന്നെ നൂറ് ടെൻഷനും സ്ട്രസും ഉണ്ട്. ഏത് ഇന്റർവ്യൂവിൽ ചെന്നാലും ഓക്കെ ആണോ എന്ന് ചോദിക്കും.
എന്റെ അച്ഛൻ സോഷ്യൽ മീഡിയയിൽ ഒന്നുമില്ല. അച്ഛന് ആരോ വാട്സാപ്പിൽ അയച്ച് കൊടുത്തു. ഈ ഡ്രസിന് എന്താണ് കുഴപ്പമെന്നാണ് പറയുന്നത്, എന്താ പ്രശ്നമെന്ന് അച്ഛൻ അമ്മയോട് ചോദിച്ചു. എനിക്കും അറിയില്ല എന്തൊക്കെ ആളുകൾ പറയുന്നുണ്ടെന്ന് അമ്മയും. ഞാനത്രയും ലിബറലായി കുടുംബത്തിൽ നിന്നാണ് വരുന്നതെന്ന് മീനാക്ഷി വ്യക്തമാക്കി.
Read Also: തീയേറ്ററിലും ടെലഗ്രാമിലും ‘ഭ്രമയുഗം’; മമ്മുട്ടി ചിത്രത്തിന്റെ വ്യാജ പതിപ്പ് പുറത്ത്
