പത്തനംതിട്ട: പൂജ സാധനങ്ങൾ വിൽക്കുന്ന കടയിൽ നിന്ന് എംഡിഎംഎ പിടികൂടി. പത്തനംതിട്ട പന്തളം കുരമ്പാലയിലുള്ള കടയിൽ നിന്നാണ് ലഹരി പിടികൂടിയത്. ജീവനക്കാരൻ അനി ആണ് നാല് ഗ്രാം എംഡിഎംഎയുമായി പോലീസ് കസ്റ്റഡിയിലെടുത്തത്.
തൃക്കുന്നപ്പുഴ പല്ലന സ്വദേശിയാണ് പിടിയിലായ അനി. രഹസ്യാന്വേഷണ വിഭാഗം റിപ്പോര്ട്ട് നല്കിയതിന്റെ അടിസ്ഥാനത്തില് ഈ കടയും ജീവനക്കാരനും ഏറെ നാളായി നിരീക്ഷണത്തിലായിരുന്നു. ഇന്ന് ഉച്ചയോടെയാണ് ഡാൻസാഫ് സംഘവും പൊലീസും സംയുക്തമായി പരിശോധന നടത്തിയത്.
കവറുകളിലാക്കിയാണ് പ്രതി എംഡിഎംഎ വിറ്റിരുന്നതെന്ന് ഉദ്യോഗസ്ഥര് പറഞ്ഞു. സംഭവത്തില് കൂടുതല് പേര്ക്ക് പങ്കുണ്ടോ എന്നും എംഡിഎംഎ എത്തിച്ച് നല്കുന്നവരെ കുറിച്ചും കൂടുതല് അന്വേഷണം നടത്തി വരുകയാണെന്നും ഉദ്യോഗസ്ഥര് പ്രതികരിച്ചു.
അതേസമയം ആലുവ റെയില്വേ സ്റ്റേഷനില് നിന്ന് കഞ്ചാവ് പിടികൂടി. ഒഡീഷ സ്വദേശി അഷ്പിന് ചന്ദ്രനായിക്കില് നിന്നും ആറ് കിലോ കഞ്ചാവ് ആണ് പിടികൂടിയത്. ഷാലിമാര് ട്രെയിനിലാണ് അഷ്പിന് ആലുവയിലെത്തിയത്.
