കേരളത്തിന്റെ ആദ്യ ഒളിംപിക് മെഡൽ ജേതാവ് മാനുവൽ ഫ്രെഡറിക് വിടവാങ്ങി; ശ്രീജേഷിനൊപ്പം പങ്കിട്ട അഭിമാന നിമിഷങ്ങൾ ഓർമ്മയാകുന്നു

കേരളത്തിന്റെ ആദ്യ ഒളിംപിക് മെഡൽ ജേതാവ് മാനുവൽ ഫ്രെഡറിക് വിടവാങ്ങി; ശ്രീജേഷിനൊപ്പം പങ്കിട്ട അഭിമാന നിമിഷങ്ങൾ ഓർമ്മയാകുന്നു

തിരുവനന്തപുരം: കേരളത്തിന്റെ കായിക ചരിത്രത്തിൽ സ്വർണ്ണ ലിപികളിൽ പതിഞ്ഞത് 1972-ലെ മ്യൂണിക് ഒളിംപിക്സിൽ ഇന്ത്യൻ ഹോക്കി ടീമിന് വേണ്ടി വെങ്കലം നേടിയ ഗോൾകീപ്പർ മാനുവൽ ഫ്രെഡറിക് ആയിരുന്നു.

അതുവഴിയാണ് കേരളത്തിലേക്ക് ആദ്യമായി ഒരു ഒളിംപിക് മെഡൽ എത്തിയത്.

48 വർഷങ്ങൾക്ക് ശേഷം, 2020-ലെ ടോക്കിയോ ഒളിംപിക്സിൽ (2021-ൽ നടന്നത്) പി.ആർ. ശ്രീജേഷ് അതേ നേട്ടം ആവർത്തിച്ചു.

കേരളത്തിൽ നിന്നുള്ള രണ്ട് ഒളിംപിക് ഹോക്കി മെഡൽ ജേതാക്കളുടെ അഭിമാന ബന്ധം അന്നു തന്നെ ചരിത്രമായി.

തിരുവനന്തപുരത്ത് കുട്ടികളെ പീഡിപ്പിച്ച കടയുടമയ്ക്ക് കഠിന ശിക്ഷ

ഓർമ്മയിൽ നിറഞ്ഞ 2020-ലെ ചടങ്ങ്

ടോക്കിയോ ഒളിംപിക്സിൽ വെങ്കലം നേടിയ ശ്രീജേഷിന് യുഎഇ ആസ്ഥാനമായ വി.പി.എസ് ഹെല്‍ത്ത് കെയര്‍ ചെയർമാനും മാനേജിംഗ് ഡയറക്ടറുമായ ഡോ. ഷംഷീർ വയലിൽ പ്രഖ്യാപിച്ച ഒരു കോടി രൂപയുടെ സ്നേഹ സമ്മാനം നൽകുന്ന ചടങ്ങാണ് ഇരുവരെയും ഒരേ വേദിയിൽ എത്തിച്ചത്.

സമ്മാനം ശ്രീജേഷിന് നൽകിയത് മാനുവൽ ഫ്രെഡറിക് തന്നെയായിരുന്നു — “ഏറ്റവും അനുയോജ്യനായ കൈകളിൽ നിന്നാണ് സമ്മാനം ലഭിച്ചത്” എന്നായിരുന്നു ശ്രീജേഷിന്റെ പ്രസംഗം.

രണ്ട് തലമുറകളുടെ ഒറ്റ ഫ്രെയിം

ചടങ്ങിന്റെ അവസാനം, 48 വര്‍ഷങ്ങള്‍ക്ക് ശേഷം കേരളത്തിലെത്തിയ രണ്ട് ഒളിംപിക് ഹോക്കി മെഡലുകൾ ഒരുമിച്ച് ഉയർത്തിപ്പിടിച്ച് മാനുവൽ ഫ്രെഡറിക്കും ശ്രീജേഷും ഫോട്ടോയ്ക്ക് പോസ് ചെയ്തു.

കേരള കായിക ചരിത്രത്തിലെ ഏറ്റവും വിലപിടിപ്പുള്ള, ഭാവി താരങ്ങൾക്ക് പ്രചോദനമായ ആ നിമിഷം ഇന്നും ഓർമ്മയിലാണ്.

പാരിസ് ഒളിംപിക്സിലേക്കുള്ള പ്രവചനം യാഥാർത്ഥ്യം

“2024-ലെ ഒളിംപിക്സിൽ ശ്രീജേഷിന്റെ കരുത്തിൽ ഇന്ത്യ നേട്ടം ആവർത്തിക്കും” — അന്ന് മാനുവൽ ഫ്രെഡറിക് പറഞ്ഞ പ്രവചനം യാഥാർത്ഥ്യമായി.

പാരിസ് ഒളിംപിക്സിൽ ശ്രീജേഷിന്റെ നേതൃത്വത്തിലുള്ള ഇന്ത്യൻ സംഘം വീണ്ടും വെങ്കല മെഡൽ നേടി.

അപ്രതീക്ഷിത സമ്മാനം

ചടങ്ങിനിടെ ഡോ. ഷംഷീർ വയലിൽ മാനുവൽ ഫ്രെഡറിക്കിനും 10 ലക്ഷം രൂപയുടെ സ്നേഹ സമ്മാനം പ്രഖ്യാപിച്ചു.

അതീവ വികാരാധീനനായി അദ്ദേഹം ശ്രീജേഷിൽ നിന്ന് ആ സമ്മാനം ഏറ്റുവാങ്ങി — അത് മലയാളികളുടെ മനസിൽ ഇപ്പോഴും അനശ്വരമായ നിമിഷമായി തുടരുന്നു.

English Summary:

Kerala’s first Olympic medalist and former Indian hockey goalkeeper, Manuel Frederick, has passed away. He won a bronze medal in the 1972 Munich Olympics, a feat repeated by P.R. Sreejesh in the 2020 Tokyo Olympics after 48 years. Both legends shared a historic stage in 2021 when Dr. Shamsheer Vayalil honored Sreejesh with ₹1 crore, presented by Frederick himself. In the same event, Frederick received ₹10 lakh as a surprise gift. His prediction that India would repeat the medal in the 2024 Paris Olympics came true, making his memory even more poignant.