കാറിന്റെ ലൈറ്റ് കണ്ടതോടെ ഹോൺ അടിച്ചെങ്കിലും കാർ നിർത്താതെ ബൈക്കിൽ ഇടിച്ചു… അപകടശേഷം നിര്ത്താതെ പോയി; നാട്ടുകാരാണ് ആശുപത്രിയിലെത്തിച്ചത്; പരിക്കേറ്റ ബൈക്ക് യാത്രക്കാർ പറയുന്നത്
തിരുവനന്തപുരം ട്രിവാൻഡ്രം ക്ലബ്ബിന് മുന്നിൽ നടൻ മണിയൻപിള്ള രാജുവിന്റെ കാറും രണ്ട് യുവാക്കൾ സഞ്ചരിച്ച ബൈക്കും തമ്മിൽ ഉണ്ടായ അപകടത്തിൽ പരാതിയുമായി മുന്നോട്ടുപോകുമെന്ന് പരിക്കേറ്റ ബൈക്ക് യാത്രക്കാർ.
രാജുവിന്റെ കാർ വേഗത്തിൽ വന്ന് ബൈക്കിൽ ഇടിച്ചുവെന്നാണ് യുവാക്കളുടെ ആരോപണം.
അപകടത്തിൽ പരിക്കേറ്റ നിദേവ് പറയുന്നത്, റോഡിലേക്ക് ഇറങ്ങിവരുന്ന കാറിന്റെ ലൈറ്റ് കണ്ടതോടെ ഹോൺ അടിച്ചെങ്കിലും കാർ നിർത്താതെ ബൈക്കിൽ ഇടിച്ചുവെന്നാണ്. ഇടിയുടെ ആഘാതത്തിൽ ഇരുവരും റോഡിലേക്ക് തെറിച്ചുവീണു.
അപകടത്തിന് ശേഷം കാർ നിർത്താതെ പോയെന്നും, ബൈക്ക് കുറച്ചുദൂരം കാർ വലിച്ചുകൊണ്ടുപോയെന്നും നിദേവ് പറഞ്ഞു. നാട്ടുകാരാണ് ഇരുവരെയും ആശുപത്രിയിലെത്തിച്ചത്.
രാത്രി അസൈൻമെന്റ് വാങ്ങുന്നതിനായി സുഹൃത്തിനൊപ്പം ബൈക്കിൽ പോയി മടങ്ങിവരുന്നതിനിടെയാണ് കവടിയാർ–വഴുതക്കാട് വഴി ട്രിവാൻഡ്രം ക്ലബ്ബിന് മുന്നിൽ അപകടം ഉണ്ടായത്.
കാലുകൾക്ക് ഗുരുതരമായി പരിക്കേറ്റ നിദേവിന് ശസ്ത്രക്രിയ നടത്തി. എൽഎൽബി വിദ്യാർത്ഥിയാണ് നിദേവ്. ഐടിഐ വിദ്യാർത്ഥിയായ സൂരജിന്റെ ശസ്ത്രക്രിയയും പൂർത്തിയായി.
ഇടിച്ച ശേഷം കാർ നിർത്താതെ പോയെന്നാണ് തങ്ങളുടെ മൊഴിയെന്ന് സൂരജ് പറഞ്ഞു. അതേസമയം, അപകടത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.
ദൃശ്യങ്ങളിൽ, നടന്റെ വാഹനം ഇൻഡിക്കേറ്റർ ഇട്ട് റോഡിലേക്ക് തിരിയുന്നതും, അതിവേഗത്തിൽ എത്തിയ ബൈക്ക് കാറിൽ ഇടിച്ച് തെറിച്ചുവീഴുന്നതുമാണ് കാണുന്നത്.
അപകടത്തിന് ശേഷം വാഹനം നിർത്താതെ പോയെന്ന കേസിൽ നടൻ മണിയൻപിള്ള രാജുവിനെ മ്യൂസിയം പൊലീസ് അറസ്റ്റ് ചെയ്തു. വൈദ്യപരിശോധനയ്ക്ക് ശേഷം സ്റ്റേഷൻ ജാമ്യത്തിൽ വിട്ടു.
ബൈക്കാണ് കാറിൽ ഇടിച്ചതെന്നും ഭയം മൂലമാണ് വാഹനം നിർത്താൻ കഴിയാതിരുന്നതെന്നും മണിയൻപിള്ള രാജു പറഞ്ഞു. അപകടത്തിൽപ്പെട്ട യുവാക്കളെ സന്ദർശിക്കുമെന്നും അദ്ദേഹം അറിയിച്ചു.
English Summary
Two youths injured in a bike accident involving actor Maniyanpilla Raju’s car near the Trivandrum Club in Thiruvananthapuram have decided to pursue legal action. The youths alleged that the car hit their bike and did not stop after the collision. CCTV visuals of the incident have surfaced, showing the bike colliding with the car as it entered the road. Maniyanpilla Raju was arrested for not stopping after the accident and later released on station bail. Police investigation is ongoing.
maniyanpilla-raju-car-bike-accident-trivandrum-club
Maniyanpilla Raju, Trivandrum accident, bike accident, car hit bike, CCTV visuals, Kerala news, Thiruvananthapuram, hit and run case, Malayalam news
