മലയാളി യുവാവിനെ ബെല്ഫാസ്റ്റില് മരിച്ച നിലയില് കണ്ടെത്തി. മൂലമറ്റം സ്വദേശിയായ ബിനോയ് അഗസ്റ്റിന് (49) എന്ന യുവാവാണ് മരിച്ചത്. ഏതാനും നാളുകളായി ഉദര സംബന്ധ അസുഖം മൂലം ചികിത്സയില് ആയിരുന്നു എന്നാണു സുഹൃത്തുക്കൾ പറയുന്നത്. Malayali youth found dead in Belfast, UK.
ഇന്നലെ വ്യാഴാഴ്ച രാവിലെയാണ് ബിനോയിയെ മരിച്ച നിലയില് കണ്ടെത്തിയത്. ബെല്ഫാസ്റ്റ് സിറ്റി ഹോസ്പിറ്റല് അടക്കമുള്ള സ്ഥലങ്ങളില് അദ്ദേഹം സേവനം ചെയ്തിട്ടുള്ള ബിനോയ് രോഗം തിരിച്ചറിഞ്ഞതിനെ തുടര്ന്ന് ഏറെക്കുറെ വിശ്രമ തുല്യമായ ജീവിതത്തിലായിരുന്നു.
തികച്ചും സൗമ്യമായ പെരുമാറ്റത്തിലൂടെ എല്ലാവർക്കും പ്രിയങ്കരനായിരുന്നു ബിനോയ്. സൗഹൃദങ്ങളെ സൃഷ്ടിക്കുന്നതിൽ മിടുക്കനായിരുന്ന ബിനോയ് പ ലപ്പോഴും ഏകനായി കാണപ്പെട്ടിരുന്ന വ്യക്തിയായിരുന്നു. ബിനോയിയുടെ വിയോഗ വാര്ത്ത ബെല്ഫാസ്റ്റ് മലയാളി സമൂഹത്തെ അത്യധികം പ്രയാസത്തിലാക്കിയിരിക്കുകയാണ്.
സോഷ്യല് മീഡിയാ ഗ്രൂപ്പുകളില് അനേകം പേരാണ് അദ്ദേഹത്തിന് ആദരാഞ്ജലികള് അര്പ്പിക്കുന്നത്. ബിനോയിയുടെ സഹോദരിയും കുടുംബവും യുകെ മലയാളികളാണ്. ഭാര്യ ഷൈനി ജോണ് മറ്റെര് ഹോസ്പിറ്റലില് നഴ്സ് ആണ്. വിദ്യാര്ത്ഥികളായ ബിയോണ്, ഷന, ഫ്രയ എന്നിവരാണ് മക്കള്.
മൃതദേഹം പ്രായമായ മാതാപിതാക്കളെ കാണിക്കുക എന്ന ലക്ഷ്യത്തോടെ നാട്ടില് എത്തിക്കണമെന്ന ചിന്ത ആദ്യം ഉണ്ടായിരുന്നെങ്കിലും ഇന്നലെ വൈകുന്നേരത്തോടെ മക്കളുടെ നിര്ബന്ധം മൂലം സംസ്കാരം ബെല്ഫാസ്റ്റില് തന്നെ നടത്തം എന്ന് തീരുമാനിക്കുയായിരുന്നു.
