യുഎസിൽ ഉണ്ടായ കാറപകടത്തിൽ ചങ്ങനാശേരി സ്വദേശി മരിച്ചു. ഫിലഡൽഫിയയിൽ ഉണ്ടായ അപകടത്തിൽ പറാൽ ചിക്കു മന്ദിറിൽ എം.ആർ. ര‍‍ഞ്ജിത്തിന്റെ മകൻ ചിക്കു എം. രഞ്ജിത്ത് (39) ആണ് മരിച്ചത്.
ജൂൺ ഒന്നിനു നടന്ന കാറപകടത്തിൽ, ഇൻഫോസിസ് ഉദ്യോഗസ്ഥയായ ഭാര്യ രമ്യയ്ക്കും രണ്ടു മക്കൾക്കും പരുക്കേറ്റിരുന്നു. ചിക്കുവിനെ ആശുപത്രിയിലെത്തിച്ചെങ്കിലും മരിച്ചിരുന്നു.
ഞായറാഴ്ച രാവിലെ 11 മണിയോടെയാണ് നോറിസ്‌ടൗണിൽ അപകടമുണ്ടായത്. രഞ്ജിത്തും കുടുംബവും കയറിയ കാർ ഒരു ജംക്ഷൻ കടക്കുമ്പോൾ അമിതവേഗതയിൽ എത്തിയ മറ്റൊരു കാർ അവരുടെ കാറിൽ ഇടിക്കുകയായിരുന്നുവെന്ന് അന്വേഷകർ പറഞ്ഞു.
25 മൈൽ വേഗത മാത്രമുള്ള സ്ട്രീറ്റിലാണ് സംഭവം. അപകടമുണ്ടാക്കിയ ഡ്രൈവറെയും പരുക്കുകളോടെ ആശുപത്രിയിലാക്കി. അയാൾക്കെതിരെ കേസെടുത്തോ എന്ന് വ്യക്തമല്ല.
രമ്യ അപകടനില തരണം ചെയ്തു. മക്കളുടെ പരുക്ക് ഗുരുതരമല്ല. മാതാവ്: ധനികമ്മ. സഹോദരൻ: ചിന്റു എം.രഞ്ജിത്. ചിക്കുവിന്റെ മൃതദേഹം നാട്ടിലെത്തിക്കാനുള്ള നടപടികൾ പുരോഗമിക്കുകയാണ്.
ഇതെന്തൊരു ‘ഭാഗ്യക്കേട്’; സമ്മാനാർഹമായ ലോട്ടറി ടിക്കറ്റുകളും പണവും അടങ്ങിയ ബാഗ് നഷ്ടപ്പെട്ടു
അമ്പലപ്പുഴ: പണവും സമ്മാനാർഹമായ ലോട്ടറി ടിക്കറ്റുകളും കരുതിയിരുന്ന ബാഗ് യാത്രാ മധ്യേ നഷ്ടപ്പെട്ടതായി പരാതി. ലോട്ടറി ഏജന്‍റ് എടത്വ ചെക്കിടിക്കാട് വേലേ പറമ്പിൽ അലക്സാണ്ടറിന്‍റെ ബാഗാണ് നഷ്ടപ്പെട്ടത്.
ജീവനക്കാരനായ സാമിൽ നിന്ന് വളഞ്ഞ വഴിക്കും തകഴി പച്ചക്കുമിടയിൽ വെച്ചാണ് ബാഗ് നഷ്ടമായത്. ഇരുചക്ര വാഹനത്തിൽ യാത്ര ചെയ്തിരുന്ന ഇദ്ദേഹം ബാഗ് അരയിൽ ബെൽറ്റിൽ കെട്ടിയിട്ടാണ് സഞ്ചരിച്ചിരുന്നത്.
യാത്രക്കിടെ വളഞ്ഞ വഴിയിലെത്തിയപ്പോഴാണ് ബാഗ് നഷ്ടപ്പെട്ട വിവരമറിയുന്നത്. സമ്മാനാർഹമായ 5,03,063 രൂപയുടെ വിവിധ ലോട്ടറി ടിക്കറ്റുകളും ടിക്കറ്റെടുക്കാനായി കരുതിയിരുന്ന 50,850 രൂപയുമാണ് ബാഗിൽ സൂക്ഷിച്ചിരുന്നത്.
ഇത് സംബന്ധിച്ച് ജില്ലാ പൊലീസ് മേധാവി, അമ്പലപ്പുഴ പൊലീസ് എന്നിവർക്ക് പരാതി നൽകിയിട്ടുണ്ട്.
Summary:
A man from Changanassery, Kerala, died in a car accident in the United States. The tragic incident has left the local community in shock.
