സീലിങ് പൂർത്തിയായ വീടുകളിൽ കേബിള് മോഷണം; ഉടമകൾക്ക് ലക്ഷങ്ങളുടെ നഷ്ടം
മലപ്പുറം: മലപ്പുറം അമരമ്പലം പഞ്ചായത്തിൽ നിർമാണത്തിലിരിക്കുന്ന വീടുകൾ ലക്ഷ്യമാക്കി ഇലക്ട്രിക് വയറിങ് സാമഗ്രികൾ മോഷ്ടിക്കുന്നത് വ്യാപകമാകുന്നു.
ഒരാഴ്ചയ്ക്കിടെ രണ്ട് വീടുകളിലാണ് സമാന രീതിയിൽ കേബിള് മോഷണം നടന്നത്.
കൊച്ചിയിൽ ലഹരിമരുന്നുമായി മൂന്ന് യുവാക്കൾ പിടിയിൽ; പിടിയിലായവരിൽ നായകനടൻ്റെ മകനും
സീലിങ് കഴിഞ്ഞ വീടിൽ കേബിള് മുറിച്ചു
ബുധനാഴ്ച രാത്രി പറയങ്കാട് ഡയാലിസിസ് സെന്ററിന് സമീപം മേലേടത്ത് ഹസ്ക്കറിന്റെ വീട്ടിലാണ് ഒടുവിലത്തെ മോഷണം. സീലിങ് പണി അടക്കം പൂർത്തിയായ വീടായിരുന്നു ഇത്.
വീടിനുള്ളിൽ സി.സി.ടി.വി. ക്യാമറകൾ ഉണ്ടായിരുന്നുവെങ്കിലും, അവയുടെ പരിധിക്ക് പുറത്തുള്ള ഭാഗങ്ങളിലെ വയറുകളാണ് മോഷ്ടാക്കൾ മുറിച്ചെടുത്തത്.
വീണ്ടും വയറിങ്; ആറ് ലക്ഷം രൂപയുടെ അധികഭാരം
കേബിളുകൾ മുറിച്ചെടുത്തതോടെ വീടിന്റെ മിക്ക ഭാഗങ്ങളിലും വീണ്ടും വയറിങ് നടത്തേണ്ട സാഹചര്യം ഉണ്ടായി.
സീലിങ് പൊളിച്ചുനീക്കി പുനർവയറിങ് നടത്തേണ്ടതായതിനാൽ, സാധനസാമഗ്രികളും പണിക്കൂലിയും ഉൾപ്പെടെ ഏകദേശം ആറുലക്ഷം രൂപയുടെ അധിക ചെലവാണ് കുടുംബത്തിന് നേരിട്ടത്.
മറ്റൊരു വീട്ടിലും സമാന മോഷണം
അച്ചാർ കമ്പനി പരിസരത്തെ കല്ലിടുക്കിൽ ജോയൽ ജോസിന്റെ വീട്ടിലും സമാന രീതിയിൽ മോഷണം നടന്നു.
മോഷ്ടാക്കൾ കൊണ്ടുപോകുന്ന കേബിളുകൾക്ക് വിപണിയിൽ വലിയ വിലയില്ലെങ്കിലും, അവ പുനഃസ്ഥാപിക്കാൻ ഉടമകൾക്ക് ലക്ഷങ്ങൾ ചെലവാക്കേണ്ടിവരുന്നു.
പൊലീസ് പട്രോളിങ് ശക്തമാക്കണമെന്ന് ആവശ്യം
നിർമാണത്തിന്റെ അവസാനഘട്ടത്തിലെത്തിയ വീടുകൾ ലക്ഷ്യമാക്കിയുള്ള മോഷണം വർധിച്ച സാഹചര്യത്തിൽ പ്രദേശത്ത് പൊലീസ് പട്രോളിങ് ശക്തമാക്കണമെന്നും പ്രതികളെ ഉടൻ പിടികൂടണമെന്നും നാട്ടുകാർ ആവശ്യപ്പെട്ടു.
English Summary:
Cable thefts targeting houses under construction have become frequent in Amarambalam panchayat, Malappuram. In two recent incidents, thieves cut and stole electrical wiring from homes where ceiling work had already been completed, forcing owners to redo the wiring at a cost of around ₹6 lakh. Despite CCTV cameras, the accused avoided detection. Residents have demanded stronger police patrols in the area.
