ഐപിഎസ് തലപ്പത്ത് വൻ അഴിച്ചുപണി
തിരുവനന്തപുരം: സംസ്ഥാന ഐപിഎസിൽ വീണ്ടും വൻ അഴിച്ചുപണി. യോഗേഷ് ഗുപ്തയെ ഫയർഫോഴ്സിൽ നിന്ന് മാറ്റി. പകരം റോഡ് സേഫ്റ്റി കമ്മീഷണറായി നിയമിച്ചു.
നിധിൻ അഗർവാളാണ് പുതിയ ഫയർഫോഴ്സ് മേധാവി. വനിത എസ്ഐമാരോട് മോശമായി പെരുമാറിയെന്ന ആരോപണത്തിൽ ഉൾപ്പെട്ട എസ്പി വി ജി വിനോദ് കുമാറിനെയും മാറ്റിയിട്ടുണ്ട്.
ക്രമസമാധാന ചുമതലയുള്ള എഡിജിപിയുടെ ഓഫീസിൽ എഐജി സ്ഥാനത്ത് നിന്നും ഇൻഫോർമേഷൻ കമ്മ്യൂണിക്കേഷൻ വിഭാഗത്തിലേക്കാണ് വിനോദ് കുമാറിനെ മാറ്റിയത്. കൂടാതെ ഇൻഫർമേഷൻ കമ്മ്യൂണിക്കേഷൻ എസ്പി സ്ഥാനത്ത് നിന്ന് സുജിത് ദാസിനും മാറ്റമുണ്ട്.
നകുൽ ദേശ്മുഖിനെ തൃശ്ശൂർ കമ്മീഷണറായി നിയമിച്ചു. ആർ ഇളങ്കോ കേന്ദ്ര ഡെപ്യൂട്ടേഷനിലേക്ക് പോകുന്ന ഒഴിവിലാണ് നിയമനം നടത്തിയിരിക്കുന്നത്.
പത്തനംതിട്ട ജില്ലയിലെ രണ്ട് വനിതാ എസ്ഐമാരാണ് എസ്‌പിക്കെതിരെ വി ജി വിനോദ് കുമാറിനെതിരെ പരാതി നൽകിയിരുന്നത്. എസ്പി വി.ജി.വിനോദ് കുമാർ അർദ്ധരാത്രിയിൽ സന്ദേശയങ്ങളയച്ചുവെന്നായിരുന്നു ഇവരുടെ പരാതി.
ഇക്കാര്യം ഒരു ഡിവൈഎസ്പിയുടെ ശ്രദ്ധയിൽപ്പെടുത്തി, ഇതിനുശേഷം ഡിവൈഎസ്പിയെയും മാനസികമായ എസ്പി പീഡിപ്പിച്ചുവെന്നാണ് റെയ്ഞ്ച് ഡിഐജി അജീതാ ബീഗത്തിന് വനിതാ എസ്ഐമാർ നൽകിയ പരാതിയിൽ പറയുന്നത്.
വനിതാ എസ്ഐമാരുടെ മൊഴിയും തെളിവുകളും പരിശോധിച്ച ശേഷം പോഷ് ആക്ട് പ്രകാരം നടപടി വേണമെന്ന് ഡിഐജി ശുപാർശ ചെയ്തിരുന്നു.
ഇതേ തുടർന്ന് പൊലീസ് ആസ്ഥാനത്തെ എസ്പി മെറിൻ ജോസഫിനോട് വിശദമായ അന്വേഷണം നടത്താൻ ഡിജിപി ആവശ്യപെട്ടിരുന്നു.
ആത്മഹത്യയ്ക്ക് ശ്രമിച്ച യുവാവിനെ ജീവിതത്തിലേക്ക് തിരിച്ചുകൊണ്ടുവന്നു കേരള പോലീസ്
ആറ്റിങ്ങൽ: പ്രണയനൈരാശ്യം മൂലം ആത്മഹത്യ ചെയ്യാൻ ശ്രമിച്ച 23 കാരനായ യുവാവിനെ ജീവിതത്തിലേക്ക് തിരിച്ചുകൊണ്ടുവന്നു പോലീസ്. ആറ്റിങ്ങൽ പോലീസിന്റെ എസ്ഐ ജിഷ്ണു, എഎസ്‌ഐ മുരളീധരൻ പിള്ള എന്നിവർ ആണ് ഈ ഉദ്യമത്തിന് പിന്നിൽ.
പാലത്തിൽ നിന്ന് ചാടാൻ ശ്രമിച്ച യുവാവ്ബുധനാഴ്ച രാത്രിയാണ് സംഭവം. പോത്തൻകോട് സ്വദേശിയായ യുവാവ് പ്രണയം തകർന്നതിന്റെ ദു:ഖത്താൽ അയിലം പാലത്തിലേക്ക് കയറുകയും, വാമനപുരം നദിയിലേക്ക് ചാടാൻ ശ്രമിക്കുകയും ചെയ്തു.
പ്രദേശവാസികൾ ആറ്റിങ്ങൽ പൊലീസ് കൺട്രോൾ റൂമിൽ വിവരം അറിയിച്ചതിന് പിന്നാലെ, എസ്ഐ ജിഷ്ണു, എഎസ്‌ഐ മുരളീധരൻ പിള്ള എന്നിവർ സ്ഥലത്തേക്ക് എത്തി.
അനുനയത്തോടെ യുവാവിനെ രക്ഷപ്പെടുത്തിപാലത്തിൽ തൂണിൽ പിടിച്ചുനിൽക്കുന്ന യുവാവിനെ ആദ്യമായി സംസാരിച്ച് വഴങ്ങിക്കാൻ ശ്രമിച്ചു. ആരംഭത്തിൽ യുവാവ് മറുപടി നൽകിയില്ല, പേരും പറഞ്ഞില്ല.
ഇതോടെ എസ്ഐ ജിഷ്ണുവും എഎസ്‌ഐ മുരളീധരൻ പിള്ളയും മാറി മാറി സാന്ത്വനപരമായ സംഭാഷണങ്ങൾ നടത്തി, ചുറ്റും ഉണ്ടായിരുന്ന ജനങ്ങളെ മാറ്റി യുവാവിനെ ആശ്വസിപ്പിച്ചു.
മാനസിക പിന്തുണ നൽകിയ പോലീസ്യുവാവിന്റെ ജീവിതത്തിലെ പ്രശ്‌നങ്ങൾ മനസിലാക്കി ക്ഷമയോടെ കേട്ടും, കരയാൻ അനുവദിക്കുകയും ചെയ്തു. പാലത്തിന്റെ സൈഡിൽ അവനൊപ്പം ഇരുന്ന് ആശ്വസിപ്പിച്ചു.,
“ഞങ്ങൾ കൂടെ ഉണ്ടെന്നു വിശ്വസിക്കണം” എന്ന് മനസ്സിലാക്കിക്കൊടുത്തു. ഇവർ പറഞ്ഞു, യുവാവിന് ആവശ്യമായ സമയത്ത് ആരെങ്കിലും കൂടെ ഉണ്ടാകണം എന്നത് വളരെ പ്രധാനപ്പെട്ടതായിരുന്നു.
കുടുംബത്തോടും ബന്ധപ്പെട്ടുഅവസാനത്തിൽ, യുവാവിന്റെ വീട്ടുകാരെയും ബന്ധപ്പെട്ടു എത്തിച്ചു, സുരക്ഷിതമായി വീട്ടിലെത്തി വിടാൻ സഹായിച്ചു.
സംഭവത്തിന്റെ അവസാനം യുവാവ് “എനിക്കും പോലീസ് ആകണം” എന്നു പറഞ്ഞതാണ് ഉദ്യോഗസ്ഥരെ സന്തോഷത്തോടെയും അഭിമാനത്തോടെയും നിറച്ചത്.
Summary: Major reshuffle in Kerala IPS: Yogesh Gupta has been transferred from Fire Force and appointed as the new Road Safety Commissioner.
