കൊച്ചി: അറ്റകുറ്റപ്പണികള്ക്കായി ഹാര്ബര് പാലം ഇന്ന് മുതൽ അടച്ചിടും. ഈ മാസം 28 വരെ പാലം അടച്ചിടാനാണ് പൊതുമരാമത്ത് വകുപ്പ് നിർദേശം നൽകിയിരിക്കുന്നത്. പാലത്തിലെ ടാർ ഇളകി കുഴികള് നിറഞ്ഞതോടെ മാസങ്ങളായി അപകടവും പതിവായി.(maintenance; Harbor bridge in Kochi will be closed today)
30 ലക്ഷം രൂപ ചെലവഴിച്ചാണ് ടാറിങ് അടക്കമുള്ള ജോലികള് ചെയ്യുന്നത്. പാലത്തിലെ അറ്റകുറ്റപ്പണി ഉടൻ ചെയ്യണമെന്ന് ആവശ്യപ്പെട്ട് കോണ്ഗ്രസും വിവിധ സംഘടനകളും പാലത്തിലും പൊതുമരാമത്ത് ഓഫീസിലും സമരങ്ങള് നടത്തിയിരുന്നു. പുതുവത്സരാഘോഷത്തിന് മുൻപായി പാലത്തിലെ പണികള് പൂർത്തീകരിക്കണമെന്ന് ആവശ്യപ്പെട്ട് മുണ്ടംവേലി സ്വദേശി എന് ജെ ഫ്രാന്സിസ് ഗതാഗതമന്ത്രിക്ക് നിവേദനം നല്കിയിരുന്നു.
പാലം അടയ്ക്കുമ്പോള് വാഹനങ്ങളെല്ലാം ബിഒടി പാലത്തിലൂടെയും കണ്ണങ്കാട്ട് പാലത്തിലൂടെയും കടത്തിവിടും. ഞായറാഴ്ചയോടെ നിര്മ്മാപ്രവൃത്തികള് പൂര്ത്തിയാക്കാന് കഴിയുമെന്നാണ് അധികൃതരുടെ പ്രതീക്ഷ.
