എൽപിജി ടാങ്കർ ഇടിച്ചുകയറി വൻ പൊട്ടിത്തെറി; ഏഴുപേർ വെന്ത് മരിച്ചു

എൽപിജി ടാങ്കർ ഇടിച്ചുകയറി വൻ പൊട്ടിത്തെറി; ഏഴുപേർ വെന്ത് മരിച്ചു

ഹോഷിയാർപൂർ: എൽപിജി ടാങ്കർ പിക്കപ്പ് ലോറിയുമായി കൂട്ടിയിടിച്ച് ഉണ്ടായ അപകടത്തിൽ ഏഴു പേർ മരിച്ചു. അപകടത്തിൽ 20-ൽ അധികം പേർക്ക് പരിക്കേറ്റിട്ടുണ്ട്. പഞ്ചാബിലെ ഹോഷിയാർപൂർ-ജലന്ധർ റോഡിൽ മണ്ടിയാൽ അഡ്ഡയ്ക്ക് സമീപമാണ് അപകടമുണ്ടായത്.

രാംനഗർ ധേഹ ലിങ്ക് റോഡിലേക്ക് തിരിയുന്നതിനിടെ ടാങ്കർ പിക്കപ്പ് ലോറിയിൽ ഇടിച്ചു കയറുകയായിരുന്നു. അപകടത്തിൽ ടാങ്കർ ഡ്രൈവർ സുഖ്ജീത് സിങ്, ബൽവന്ത് റായ്, ധർമേന്ദർ വർമ്മ, മഞ്ജിത് സിങ്, വിജയ്, ജസ് വീന്ദർ കൗർ, ആരാധന വർമ്മ എന്നിവരാണ് മരിച്ചത്.

അപകടത്തിൽ 90 ശതമാനത്തിൽ അധികം പൊള്ളലേറ്റ നാല് പേരെ വെന്റിലേറ്ററിൽ പ്രവേശിപ്പിച്ചിരിക്കുകയാണ്. സംഭവത്തിൽ പഞ്ചാബ് ഗവർണർ ഗുലാബ് ചന്ദ് കട്ടാരിയ, മുഖ്യമന്ത്രി ഭഗവന്ത് മൻ എന്നിവർ അനുശോചനം അറിയിച്ചു.

മരിച്ചവരുടെ കുടുംബങ്ങൾക്ക് പഞ്ചാബ് മുഖ്യമന്ത്രി ഭഗവന്ത് മൻ രണ്ട് ലക്ഷം രൂപ ധനസഹായം പ്രഖ്യാപിച്ചിട്ടുണ്ട്. പരിക്കേറ്റവർക്ക് സൗജന്യ ചികിത്സ ഉറപ്പാക്കുമെന്നും അദ്ദേഹം അറിയിച്ചു.

Summary: A tragic accident occurred near Mandiyaal Adda on the Hoshiarpur-Jalandhar road in Punjab, where an LPG tanker collided with a pickup lorry. The crash left seven people dead and more than 20 injured.