അഹമ്മദാബാദ് ∙ ഗുജറാത്തിലെ സൂറത്ത് ലോക്സഭാ മണ്ഡലത്തിലെ ബിജെപി സ്ഥാനാർഥി മുകേഷ് ദലാൽ എതിരില്ലാതെ തിരഞ്ഞെടുക്കപ്പെട്ടു. കോൺഗ്രസ് സ്ഥാനാർഥി നീലേഷ് കുംഭാനിയുടെയും ഡമ്മി സ്ഥാനാർഥിയുടെയും പത്രിക കഴിഞ്ഞ ദിവസം തള്ളി, ബിഎസ്പി സ്ഥാനാർഥിയും ഏഴ് സ്വതന്ത്രരും പത്രിക പിൻവലിക്കുകയും ചെയ്തു. ഇതോടെയാണ് മുകേഷ് ദലാലിനെ തെരഞ്ഞെടുത്തത്. മുകേഷ് ദലാലിനെ എംപിയായി അംഗീകരിച്ചുകൊണ്ടുള്ള സർട്ടിഫിക്കറ്റ് സൂറത്ത് ജില്ലാ കലക്ടർ കൈമാറി.

നിലേഷിനെ നിർദേശിച്ച മൂന്നുപേരും ഒപ്പ് തങ്ങളുടേതല്ലെന്ന് സത്യവാങ്മൂലത്തിൽ അറിയിച്ചതിനെ തുടർന്നാണ് റിട്ടേണിങ് ഓഫിസർ നാമനിർദേശ പത്രിക തള്ളിയത്. സൂറത്തിൽ കോൺഗ്രസിന്റെ പകരക്കാരനായ സ്ഥാനാർഥി സുരേഷ് പദ്‌ലസയെ നിർദേശിച്ചയാളും പിൻമാറി. ഈ പത്രികയും അസാധുവായതോടെ മണ്ഡലത്തിൽ വേറെ സ്ഥാനാർഥിയില്ലാത്ത അവസ്ഥയായി. ഗുജറാത്തിൽ ഇന്ത്യാ സഖ്യത്തിൻറെ ഭാഗമായി കോൺഗ്രസ് 24 സീറ്റിലും എഎപി രണ്ട് സീറ്റിലുമാണ് മത്സരിക്കുന്നത്.

Read Also:ഒറ്റ വീഡിയോ മതി ജീവിതം മാറി മറിയാൻ; സാരി മടക്കിക്കുത്തി ഒരു മധുരക്കിനാവിന് ചുവടുവച്ച് വൈറലായ ലീലാമ്മ ജോണിന് മോഹൻലാലിനൊപ്പം അഭിനയിക്കാം; ഒപ്പം മറ്റൊരു ചിത്രത്തിലേക്കും ക്ഷണം; ശുക്രനുദിച്ചത് 64-ാം വയസിലെന്ന് സോഷ്യൽ മീഡിയ