നെടുങ്കണ്ടം കാന്തിപ്പാറയിൽ ഉടുമ്പഞ്ചോല റേഞ്ച് എക്സൈസ് സംഘം വിൽപ്പനയ്ക്കായി കടത്തി കൊണ്ടുവന്ന 14 ലിറ്റർ മദ്യം പിടികൂടി. കൊന്നത്തടി വില്ലേജിൽ കമ്പിളി കണ്ടംകരയിൽ എറമ്പിൽ റോബിൻ തോമസ് (42) ആണ് അറസ്റ്റിലായത്.
മദ്യം കടത്താൻ ഉപയോഗിച്ച കാറും കസ്റ്റഡിയിലെടുത്തു (Liquor and vehicle smuggled for sale in Idukki seized)
കമ്പിളികണ്ടത്തും പരിസരത്തും മദ്യം ശേഖരിച്ച് വച്ച് കൂടിയ വിലയ്ക്ക് വിൽപ്പന നടത്തുന്നതായി ലഭിച്ച രഹസ്യ വിവരത്തെത്തുടർന്ന് നടത്തിയ നിരീക്ഷണത്തിനൊടുവിലാണ് പ്രതി മദ്യവുമായി വാഹനം സഹിതം പിടിയിലായത്.
പ്രതി മുൻപും അബ്കാരി കേസിൽ ജയിൽ ശിക്ഷയനുഭവിച്ചിട്ടുള്ളതാണ്. ഇൻസ്പെപെക്ടർ ഷനിൽ കുമാർ സി.പി. പ്രിവൻ്റീവ് ഓഫീസർ ഗ്രേഡ്മാരായ ഷനേജ് കെ .നൗഷാദ് , മീരാൻ കെ എസ് ., ബൈജു സോമരാജ് സിവിൽ എക്സൈസ് ഓഫീസർമാരായ *പ്രഫുൽ ജോസ്, സിവിൽ എക്സൈസ് ഓഫീസർ ഡ്രൈവർ വി.പി.ബിലേഷ് എന്നിവരും റെയ്ഡിൽ പങ്കെടുത്തു.. പ്രതിയെ നെടുങ്കണ്ടം കോടതിയിൽ ഹാജരാക്കി റിമാൻഡ് ചെയ്തു.
