കുവൈറ്റിലെ ദുരിതാശ്വാസ പ്രവര്ത്തനങ്ങള് നേരിട്ട് ഏകോപിപ്പിച്ച് ഇന്ത്യ. കുവൈറ്റിലെത്തിയ വിദേശ കാര്യസഹമന്ത്രി കീര്ത്തി വര്ധന് സിംഗും സംഘവും സ്ഥിതിഗതികള് വിലയിരുത്തുകയാണ്. ദുരന്തത്തിന് ഉത്തരവാദികളായവര്ക്കെതിരെ കര്ശന നടപടിയെടുക്കണമെന്ന് ഇന്ത്യ കുവൈറ്റിനോട് ആവശ്യപ്പെട്ടിട്ടുണ്ട്. (Kuwait should take strict action against those responsible for the fire: India)
പ്രാഥമിക വിവരം ലഭിച്ച ശേഷം ഡൽഹിയില് ഉന്നതതല യോഗം നടക്കും. മൃതദേഹങ്ങള് എത്രയും വേഗം നാട്ടിലെത്തിക്കാനാണ് ശ്രമം. എന്നാല് കത്തിക്കരിഞ്ഞ മൃതദേഹങ്ങള് തിരിച്ചറിയാനായി ഡിഎന്എ പരിശോധന നടത്തേണ്ടി വരും.
മൃതദേഹങ്ങള് നാട്ടില് എത്തിക്കാനായി എയര്ഫോഴ്സ് വിമാനങ്ങള് സജ്ജമാക്കിയിട്ടുണ്ട്. മരിച്ചവരില് ഭൂരിഭാഗവും കേരളത്തില് നിന്നുള്ളവരായതിനാല് സംസ്ഥാന സര്ക്കാരിനെ കൂടി സഹകരിപ്പിച്ചാണ് ദുരിതാശ്വാസ പ്രവര്ത്തനങ്ങള് ഏകോപിപ്പിക്കുന്നത്. പരിക്കേറ്റവരുടെ പുനരധിവാസമടക്കം കേന്ദ്ര സര്ക്കാരിന്റെ ചര്ച്ചകളിലുണ്ട്. കുവൈറ്റ് വിദേശകാര്യമന്ത്രിയുമായി മന്ത്രി എസ് ജയ് ശങ്കര് ചര്ച്ച നടത്തി.
Read More: പതിനെട്ട് വർഷമായി കൂടെയുണ്ട്; സുരേഷ് ഗോപിയുടെ മേക്കപ്പ് മാൻ ഇനി മുതൽ കേന്ദ്രമന്ത്രിയുടെ സ്റ്റാഫ്!
Read More: തെരഞ്ഞെടുപ്പ് രാഷ്ട്രീയത്തിലേക്ക് ഇനിയില്ല, പ്രവര്ത്തന കേന്ദ്രം ഇനി കേരളം തന്നെയെന്ന് കെ മുരളീധരന്
