കൊല്ലം: നാളെ കൊല്ലം ജില്ലയിൽ വിദ്യാഭ്യാസ ബന്ദിന് ആഹ്വാനം ചെയ്ത് കെ.എസ്.യു. കോളേജ് യൂണിയൻ തെരഞ്ഞെടുപ്പുമായി ബന്ധപ്പെട്ട് കെ.എസ്.യു ഭാരവാഹിയെ എസ്എഫ്ഐ സംഘം മർദിച്ചിരുന്നു. ഇതിൽ പ്രതിഷേധിച്ചാണ് വിദ്യാഭ്യാസ ബന്ദിന് ആഹ്വാനം ചെയ്തത്.(KSU announces educational strike tomorrow)
കൊല്ലം കൊട്ടാരക്കര എസ്ജി കോളേജ് മുൻ യൂണിറ്റ് പ്രസിഡന്റും കെ.എസ്.യു ഭാരവാഹിയുമായ എബിനാണ് മർദനത്തിനിരയായതെന്ന് കെ.എസ്.യു ജില്ലാ കമ്മിറ്റി പറഞ്ഞു. തെരഞ്ഞെടുപ്പ് പ്രവർത്തനങ്ങൾക്ക് നേതൃത്വം നൽകിയതിന്റെ വൈരാഗ്യം മൂലമാണ് എസ്എഫ്ഐ ഗുണ്ടകൾ സംഘം ചേർന്ന് മർദിച്ചതെന്നും കെഎസ്യു ആരോപിച്ചു.
ഈ മാസം 22ന് ആലപ്പുഴ, ഇടുക്കി ജില്ലകളിലും കെ.എസ്.യു വിദ്യാഭ്യാസ ബന്ദ് പ്രഖ്യാപിച്ചിരുന്നു. കോളേജ് യൂണിയൻ തെരഞ്ഞെടുപ്പിനിടെ വിവിധ കോളേജുകളിൽ എസ്എഫ്ഐ- കെ.എസ്.യു സംഘർഷം നടന്നിരുന്നു.
