യാത്രക്കാരൻ ശത്രുവല്ല! കെ.എസ്.ആർ.ടി.സി ജീവനക്കാരുടെ അതിക്രമം തുടരുന്നു
കൊച്ചി: മൂവാറ്റുപുഴയിൽ നിന്ന് കോട്ടയത്തേക്ക് പോവുകയായിരുന്ന കെ.എസ്.ആർ.ടി.സി ഫാസ്റ്റ് പാസഞ്ചർ ബസിൽ യാത്രക്കാരനെ ജീവനക്കാർ മർദ്ദിച്ച സംഭവം. പഴയ 100 രൂപ നോട്ടിൽ ടിക്കറ്റ് ചാർജ് നൽകിയതിനെച്ചൊല്ലിയുണ്ടായ തർക്കമാണ് മർദ്ദനത്തിൽ കലാശിച്ചത്.
ഇന്നലെ രാവിലെ 10.30ഓടെ കൂത്താട്ടുകുളത്താണ് സംഭവം നടന്നത്. യാത്രക്കാരനെ ബസിൽ നിന്ന് ഇറക്കിവിടാൻ കണ്ടക്ടർ ശ്രമിച്ചെങ്കിലും അദ്ദേഹം വഴങ്ങിയില്ല. തുടർന്ന് ഡ്രൈവറും കണ്ടക്ടറും ചേർന്ന് മർദ്ദിക്കുകയായിരുന്നുവെന്ന് ദൃക്സാക്ഷികൾ പറയുന്നു.
ജീവനക്കാരുടെ നടപടിയിൽ സഹയാത്രക്കാർ ശക്തമായി പ്രതിഷേധിച്ചു. ബഹളം കേട്ട് സമീപത്തെ വ്യാപാരികൾ ഇടപെട്ടതോടെ സംഘർഷം അവസാനിപ്പിക്കുകയും യാത്രക്കാരനുമായി ബസ് യാത്ര തുടരുകയും ചെയ്തു.
സംഭവത്തിൽ കൂടുതൽ അന്വേഷണം ആവശ്യപ്പെട്ട് യാത്രക്കാരും നാട്ടുകാരും രംഗത്തെത്തിയിട്ടുണ്ട്.
English Summary
A passenger was allegedly assaulted by KSRTC staff on a bus traveling from Muvattupuzha to Kottayam following a dispute over payment using an old ₹100 note. The incident occurred at Koothattukulam, and was stopped after locals intervened.
