ദേശീയപാതയിൽ ബൈക്കുകൾ കൂട്ടിയിടിച്ച് കത്തി; 2 പേർക്ക് ദാരുണാന്ത്യം, രണ്ടു പേർക്ക് ഗുരുതര പരുക്ക്
കൊട്ടാരക്കര: ദേശീയപാതയിൽ ബൈക്കുകൾ തമ്മിൽ നേർക്കുനേർ കൂട്ടിയിടിച്ച് തീപിടിച്ചുണ്ടായ അപകടത്തിൽ രണ്ട് പേർ മരിച്ചു.
നെടുവത്തൂർ താമരശ്ശേരി ജംഗ്ഷന് സമീപം ഇന്നലെ രാത്രി 10.30ഓടെയായിരുന്നു ദാരുണമായ സംഭവം. എഴുകോൺ അമ്പലത്തുംകാല സ്വദേശി അഭിഷേക് (27) ദേഹമാസകലം പൊള്ളലേറ്റ് സംഭവസ്ഥലത്തുതന്നെ മരിച്ചു.
ഗുരുതരമായി പരുക്കേറ്റ മൈലം സ്വദേശി സിദ്ധിവിനായകിനെ (19) ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
അപകടത്തിൽ നീലേശ്വരം സ്വദേശികളായ ജീവൻ, സനൂപ് എന്നിവർക്ക് ഗുരുതര പരുക്കേറ്റു. ഇവരെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്.
എതിർദിശകളിൽ നിന്ന് എത്തിയ ബൈക്കുകളാണ് കൂട്ടിയിടിച്ചത്. ഇടിയുടെ ആഘാതത്തിൽ ഇന്ധനച്ചോർച്ച ഉണ്ടായതിനെ തുടർന്നാണ് വാഹനങ്ങൾക്കു തീപിടിച്ചതെന്ന് പൊലീസ് അറിയിച്ചു.
സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്.
English Summary:
Two people were killed after two motorcycles collided head-on and caught fire on a national highway near Neduvathoor, Kottarakkara. One victim died on the spot due to severe burns, while the other succumbed to injuries at the hospital. Two more youths sustained serious injuries and are undergoing treatment. Fuel leakage after the collision is believed to have caused the fire.
kottarakkara-bike-collision-fire-two-killed
Kottarakkara, Road Accident, Bike Collision, Fire Accident, Kerala News, National Highway, Fatal Crash
