വിറളിപിടിച്ച് കാട്ടുപോത്ത്; സ്കൂട്ടർ മറിച്ചിട്ടു! പരിക്കേറ്റ ദമ്പതികൾ ചികിത്സയിൽ
കൊല്ലം: കൊല്ലത്ത് സ്കൂട്ടറിൽ യാത്ര ചെയ്യുകയായിരുന്ന ദമ്പതികൾക്ക് നേരെ കാട്ടുപോത്തിന്റെ ആക്രമണം. അലയമൺ കരുകോൺ സമീപം കടവറത്ത് വെച്ചാണ് സംഭവം ഉണ്ടായത്.
ആക്രമണത്തിൽ സ്കൂട്ടർ മറിഞ്ഞ് ദമ്പതികൾക്ക് പരിക്കേറ്റു. ആനക്കുളം സ്വദേശികളായ ഷിനു മാത്യുവിനും ഷിബിനയ്ക്കുമാണ് പരിക്ക്.
പരിക്കേറ്റ ഇരുവരെയും അഞ്ചലിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇവരുടെ ആരോഗ്യനില ഗുരുതരമല്ലെന്നാണ് ലഭിക്കുന്ന വിവരം.
English Summary
A couple was injured after a wild bison attacked their scooter in Kollam. Both are hospitalized with non-serious injuries.
