കൊച്ചിയിൽ 851 ഓട്ടോറിക്ഷകൾക്കെതിരെ കേസ്; ലൈസൻസ് റദ്ദാക്കാൻ ശുപാർശ
കൊച്ചി: നഗരത്തിലെ ഗതാഗത നിയമലംഘനങ്ങൾ നിയന്ത്രിക്കാൻ സിറ്റി പോലീസ് നടത്തിയ പ്രത്യേക പരിശോധനയിൽ 851 ഓട്ടോറിക്ഷകൾക്കെതിരെ നടപടി.
ജനുവരി 1 മുതൽ ഫെബ്രുവരി 15 വരെ നടത്തിയ പരിശോധനയിലാണ് ഇത്രയും കേസുകൾ രജിസ്റ്റർ ചെയ്തത്.
അമിതകൂലി ഈടാക്കൽ, സിഗ്നൽ ലംഘനം, സീബ്രാ ക്രോസിംഗിലെ നിയമലംഘനം, അനധികൃത പാർക്കിംഗ് എന്നിവയാണ് പ്രധാനമായും കണ്ടെത്തിയ കുറ്റങ്ങൾ.
തുടർച്ചയായി നിയമലംഘനം നടത്തുന്ന ഡ്രൈവർമാരുടെ ലൈസൻസ് റദ്ദാക്കാൻ ശുപാർശ നൽകിയതായി പോലീസ് അറിയിച്ചു. മെട്രോ പില്ലറുകൾക്കും സ്കൂളുകൾക്കും സമീപമുള്ള അനധികൃത പാർക്കിംഗ് ഗതാഗതക്കുരുക്കിന് കാരണമാകുന്നതായും കണ്ടെത്തി.
നിയമലംഘനങ്ങൾ ശ്രദ്ധയിൽപ്പെട്ടാൽ 62381 00100 എന്ന ‘ട്രാഫിക് ഐ’ വാട്സാപ്പ് നമ്പറിലോ സമീപത്തെ പോലീസ് സ്റ്റേഷനിലോ അറിയിക്കണമെന്ന് സിറ്റി പോലീസ് കമ്മിഷണർ അറിയിച്ചു.
English Summary
Kochi City Police took action against 851 autorickshaws during a special drive against traffic violations conducted from January 1 to February 15. Major offenses included overcharging, signal violations, zebra crossing violations, and illegal parking. Authorities recommended canceling licenses of repeat offenders and urged the public to report violations via WhatsApp or at police stations.
kochi-special-drive-851-autos-booked
Kochi, Traffic Enforcement, Auto Rickshaw, Kerala Police, Road Safety, Traffic Violations, City News, Kerala
