ഇടിവും കുതിപ്പും ഒരേ ദിവസം; സ്വർണവില വീണ്ടും റെക്കോർഡ് നിരക്കിലേക്ക്
തിരുവനന്തപുരം: കേരളത്തിൽ സ്വർണവിലയിൽ അമ്പരപ്പിക്കുന്ന ചാഞ്ചാട്ടം.
ഇന്ന് രാവിലെയും ഉച്ചയ്ക്കുമായി രണ്ട് ഘട്ടങ്ങളിലായി പവന് 9,840 രൂപ വരെ ഇടിഞ്ഞ സ്വർണവില, വൈകുന്നേരത്തോടെ വീണ്ടും രണ്ട് തവണയായി കുത്തനെ ഉയർന്നു.
ഒടുവിൽ 2,400 രൂപ കൂടി ഉയർന്നതോടെ പവന്റെ വില 1,12,320 രൂപയിലെത്തി.
യുകെയില് ഇന്നൊവേറ്റര് ഓഫ് ദി ഇയര് പുരസ്കാരത്തിന് അര്ഹരായി മലയാളി സംരംഭകര്
ഒരു ലക്ഷത്തിന് താഴേക്ക് പോകുമെന്ന പ്രവചനങ്ങൾ തെറ്റി
ഉച്ചവരെ ഉണ്ടായ ഇടിവിനെ തുടർന്ന് നാളെ സ്വർണവില ഒരു ലക്ഷം രൂപയ്ക്ക് താഴേ പോകുമെന്ന പ്രവചനങ്ങളാണ് ഉയർന്നിരുന്നത്.
എന്നാൽ വില കുറഞ്ഞ അവസരം മുതലെടുത്ത് നിക്ഷേപകർ സ്വർണം വാങ്ങിക്കൂട്ടിയതോടെയാണ് വിപണി വീണ്ടും തിരിഞ്ഞത്.
രാജ്യാന്തര വിപണിയിലെ ചാഞ്ചാട്ടം പ്രതിഫലിച്ചു
രാജ്യാന്തര സ്വർണവിപണിയിലെ കനത്ത വിലക്കുലുക്കമാണ് സംസ്ഥാന വിപണിയിലും പ്രതിഫലിച്ചതെന്നാണ് വ്യാപാരികളുടെ വിലയിരുത്തൽ.
ആഗോള തലത്തിലെ അനിശ്ചിതത്വം സ്വർണവിലയെ നേരിട്ട് സ്വാധീനിച്ചുവെന്ന് വ്യാപാരികൾ പറയുന്നു.
റെക്കോർഡിന് ശേഷം വീണ്ടും ഉയർച്ച – ട്രെൻഡാകുമോ?
ജനുവരി 29-ന് സർവകാല റെക്കോഡിലെത്തിയ ശേഷം പടിപടിയായി കുറഞ്ഞ സ്വർണവില, ഇന്ന് വൈകുന്നേരം വീണ്ടും ഉയർന്നത് പുതിയ ട്രെൻഡിന് തുടക്കമാണോ എന്ന സംശയം ഉയർത്തുന്നുണ്ട്.
ഈ പ്രവണത തുടരുമോയെന്ന് നാളത്തെ വിപണിയിലൂടെ മനസ്സിലാകും.
English Summary:
Gold prices in Kerala witnessed sharp volatility on Tuesday, falling steeply by ₹9,840 per sovereign during the day before rebounding in the evening. As investors rushed to buy gold at lower rates, the price surged again in two phases, rising by ₹4,400 overall. The final price settled at ₹1,12,320 per sovereign. International market fluctuations and renewed investor demand contributed to the sudden reversal, raising questions about whether a new upward trend is emerging.
